Monday, April 7, 2025
Home » ප්‍රේක්ෂ­ක­යන් මවිත කර­මින් ශ්‍රී ලංකාව දෙවැනි වර­ටත් වැනී­සියේ සැණ­කෙ­ළි­යට

ප්‍රේක්ෂ­ක­යන් මවිත කර­මින් ශ්‍රී ලංකාව දෙවැනි වර­ටත් වැනී­සියේ සැණ­කෙ­ළි­යට

by Gayan Abeykoon
March 12, 2025 4:00 pm 0 comment

මහින්ද අලු­ත්ගෙ­දර

ශ්‍රී ලංකාව ගෝලීය වේදි­කාවේ සංස්කෘ­තික පැවැත්ම තව­දු­ර­ටත් ශක්ති­මත් කර­මින් අඛ­ණ්ඩව දෙවන වර­ටත් වැනී­සියේ සැණ­කෙ­ළිය – 2025 (Venice Carnival – 2025) සඳහා සහ­භාගී වී තිබේ.

2024 වසරේ දී සාර්ථක මංගල දර්ශ­න­ය­කින් පසු ශ්‍රී ලංකාව නැව­තත් ලොව වඩාත්ම කීර්ති­මත් උත්ස­ව­ව­ලින් එකක් වන මෙහිදී සාම්ප්‍ර­දා­යික කලා, සංගී­තය සහ නර්ත­නයේ විශ්ම­ය­ජ­නක ප්‍රද­ර්ශ­න­යක් සමඟ ජාත්‍ය­න්තර ප්‍රේක්ෂ­ක­යන් මවි­ත­යට පත්කර තිබෙන බව මිලාන්හි ශ්‍රී ලංකා කොන්සල් ජන­රාල් කාර්යා­ලය පව­සයි. පොහො­සත් ඉති­හා­සය, අලං­කාර ඇඳුම් පැළ­ඳුම් සහ විචි­ත්‍ර­වත් වෙස් මුහුණු සඳහා ප්‍රසිද්ධ වැනී­සියේ සැණ­කෙ­ළිය ලොව පුරා නර­ඹ­න්නන් ආක­ර්ෂ­ණය කර ගන්නා ලොව වඩාත්ම සංකේ­තා­ත්මක සැම­රු­ම්ව­ලින් එකක් ලෙස සැල­කෙන අතර එම සැණ­කෙ­ළි­යට වාර්ෂි­කව මිලි­යන තුනක පමණ නර­ඹ­න්නන් ආක­ර්ෂ­ණය කරයි.

මිලාන්හි ශ්‍රී ලංකා කොන්සල් ජන­රාල් කාර්යා­ලය විසින් සංවි­ධාන කරන ලද මේ උත්ස­ව­යට මෙවර ශ්‍රී ලංකාවේ උරු­මය පිළි­බඳ විචි­ත්‍ර­වත් ප්‍රද­ර්ශ­න­යක් වී තිබෙන අතර සාම්ප්‍ර­දා­යික ශ්‍රී ලාංකික නර්තන විලා­සය, රිද්ම­යා­නු­කූල බෙර වාද­නය සහ සාම්ප්‍ර­දා­යික හා නවීන වෙස් මුහු­ණු­ව­ලින් සරසා ඇති අලං­කාර ඇඳුම් පැළ­ඳුම් ඒකා­බද්ධ කරන ලද දර්ශ­නීය සංද­ර්ශන මාලාව මේ උත්ස­වයේ කැපී පෙනෙන සිදු­වීම වී තිබේ.

මේ උත්ස­වයේ දී රැස්ව සිටි පිරිස අම­ත­මින් වැනී­සියේ මහ නගර සභාවේ කීර්ති­මත් නියෝ­ජි­ත­යකු පෙන්වා දී ඇත්තේ, ශ්‍රී ලංකාවේ සහ­භා­ගී­ත්වය සැණ­කෙ­ළි­යට නව වර්ණ­යක් සහ ශක්ති­යක් එක්කර ඇති බවයි. උත්ස­ව­යට විවි­ධ­ත්වය එක් කළ ශ්‍රී ලංකාවේ අද්වි­තීය සංස්කෘ­තික නිර්මා­ණ­ශී­ලි­ත්වය අගය කරන අත­රම එවැනි කීර්ති­මත් වේදි­කා­වක ශ්‍රී ලංකාවේ සංස්කෘ­තික උරු­මය ප්‍රව­ර්ධ­නය කිරී­මට මිලාන්හි ශ්‍රී ලංකා කොන්සල් ජන­රා­ල්ව­රි­යගේ අඛණ්ඩ උත්සා­හය අගය කරන බව ද හෙතෙම පවසා ඇත. මිලාන්හි ශ්‍රී ලංකා කොන්සල් ජන­රාල් දිලානි වීර­කෝන් මහ­ත්මිය මෙහිදී ප්‍රකාශ කර ඇත්තේ අඛ­ණ්ඩව දෙවන වස­ර­ටත් මේ කීර්ති­මත් සැම­රු­මට සහ­භාගී වීමට ලැබීම ශ්‍රී ලංකා­වට ගෞර­ව­යක් බවත්, එහි සහ­භා­ගී­ත්වය ජාත්‍ය­න්තර සහ­භා­ගී­ත්වය සඳහා රටේ කැප­වීම පිළි­බිඹු කරන බවත්ය. ශ්‍රී ලංකාව මේ උත්ස­වයේ අනා­ගත අව­ස්ථා­වන්ට අඛ­ණ්ඩව සහ­භාගී වීම­ටත්, රටේ විචි­ත්‍ර­වත් උරු­මය ලොවට පෙන්වී­ම­ටත් බලා­පො­රොත්තු වන බව ඇය සඳ­හන් කර තිබෙන අතර ශ්‍රී ලංකාවේ සංස්කෘ­තික උරු­මය සැම­රී­මට අඛ­ණ්ඩව සහ­යෝ­ගය දැක්වීම වෙනු­වෙන් උතුරු ඉතා­ලියේ ශ්‍රී ලාංකික ප්‍රජාව ද කොන්සල් ජන­රා­ල්ව­රිය අගය කර ඇත.

 

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT