ගිනි අවි තොගයක් සඟවා ඇති බවට ලද තොරතුරකට අනුව පොලිස් විශේෂ කාර්ය බළකායේ සහාය ඇතිව බස්නාහිර පළාත් උතුරුදිසා අපරාධ කොට්ඨාසය විසින් අත්නගල්ලේ පිහිටි අක්කර 25ක පොල්වත්තක කළ සෝදිසියකදී වළදමා තිබූ ගිනි අවි දෙකක් සහ පතරොම් රැසක් හමුවීමත් සමඟ එම වත්තේ හිමිකරු බව කියන බස්නාහිර පළාත් සභාවේ හිටපු මන්ත්‍රීවරයකු වන සංජය සිරිවර්ධන මහතා ඊයේ (11) අත්අඩංගුවට ගෙන තිබේ.
හිටපු ජනාධිපතිනි චන්ද්‍රිකා බණ්ඩාරනායක මහත්මියගේ සම්බන්ධීකරණ ලේකම්වරයකු ලෙස කටයුතු කර ඇතැයි පැවසෙන සංජය සිරිවර්ධන මහතාට අයත් පොල්වත්තේ ටී 56 වර්ගයේ ගිනි අවිය 06ක් වළදමා ඇති බවට බස්නාහිර පළාත් උතුරු දිසා අපරාධ කොට්ඨාසයට ලද තොරතුරකට අනුව එහි අධ්‍යක්ෂ සහකාර පොලිස් අධිකාරි රොහාන් ඕලුගල මහතාගේ මෙහෙයවීම මත අත්තනගල්ලේ පොල්වත්තේ මෙහෙයුම දියත්කර ඇත.
