27
නීති විරෝධී ලෙස පිටරටින් මෙරටට දුම්වැටි ගෙනැවිත් තොග වශයෙන් බෙදා හැරීමේ ජාවාරමක නිරතව සිටි ග්‍රෑන්ඩ්පාස් පොලීසියේ සේවයේ නිරතව සිටි පොලිස් කොස්තාපල්වරයකු රුපියල් ලක්ෂ 20කට අධික වටිනාකමක් ඇති දුම්වැටි 18,600ක් සහ වැගන්ආර් වර්ගයේ රථයක් සමඟ පාණදුර වලානේ පිහිටි මධ්‍යම දූෂණ මර්දන ප්‍රහාරක බළකාය විසින් ඊයේ (11) අත්අඩංගුවට ගනු ලැබීය.
පොලිස් ස්ථානය ආසන්නයේ දුම්වැටි පිරවූ මෝටර් රථය නතරකර ඔහු රාජකාරියේ නිරතව සිටින අතර තුර දුම්වැටි අලෙවි කිරීමේ ජාවාරමේ නිරතව සිට ඇති බව විමර්ශනවලින් පෙනී ගොස් තිබේ.
ග්‍රෑන්ඩ්පාස් පොලීසියේ ආපන ශාලාවද පවත්වාගෙන ගොස් ඇත්තේ මෙම සැකකරුය. ඔහු ආපන ශාලාව තුළද දුම්වැටි සඟවාගෙන තොග වශයෙන් අලෙවිකර ඇති බව ද ප්‍රශ්න කිරීම් හමුවේ අනාවරණය වී ඇත.
