69
බීමත් රියැදුරන් අත්අඩංගුවට ගැනීමට ගිරිබාව පොලීසිය විසින් ක්‍රියාත්මක කළ මෙහෙයුමකට පෙරේදා (10) හසු වූ කොල්ලුපිටිය පොලිස් ස්ථානයට අනුයුක්තව සේවයේ නිරත සැරයන්වරයකු පොලිස් නිලධාරීන්ගේ රාජකාරියට බාධා වන ආකාරයට හැසිරෙමින් බලපෑම් කර තිබේ. බීමතින් රිය පැදවීම හා පොලිස් නිලධාරීන්ගේ රාජකාරියට බාධා කිරීම සම්බන්ධයෙන් අත්අඩංගුවට ගත් මේ නිලධාරියා ගල්ගමුව මහේස්ත්‍රාත් අධිකරණයට ඉදිරිපත් කිරීමෙන් අනතුරුව හෙට දක්වා රක්ෂිත බන්ධනාගාරගත කර ඇත. කොළඹ දකුණ කොට්ඨාසය භාර ජ්‍යෙෂ්ඨ පොලිස් අධිකාරිවරයා මේ නිලධාරියාගේ වැඩ තහනම් කිරීමට පියවර ගෙන තිබේ.
