ගුවන් හමුදාව විසින් ලබාදුන් තොරතුරක් මත කැබිතිගොල්ලෑව කොට්ඨාස අපරාධ විමර්ශන කාර්යාංශයේ නිලධාරීන් කණ්ඩායමක් විසින් ගලෙන්බිඳුණුවැව හුරුලුනිකවැව පිහිටි නිවසක් පරීක්ෂාවට ලක්කර එහි තිබී ටී 56 අවිවලට යොදන පතරොම් තොගයක් ඇතුළු යුද උපකරණ කිහිපයක් පෙරේදා (10) සොයාගෙන ඇත.
ටී 56 අවිවලට යොදන පතරොම් 128ක්, ටී 56 පුහුණු පතරොම් 26ක්, යු.හ 19124 යනුවෙන් සඳහන් කර ඇති ගුවන්විදුලි පණිවුඩ හුවමාරු යන්ත්‍රයකට සමාන හෝ වාහන ගුවන්විදුලි යන්ත්‍රයකට සමාන යන්ත්‍රයක්, යුද්ධයේදී භාවිත කළ ආරක්ෂක හිස්වැසුමක් සොයාගත් දෑ අතර ඇතැයි කැබිලිගොල්ලෑව කොට්ඨාස අපරාධ විමර්ශන කාර්යාංශය සඳහන් කරයි.
මෙම සංග්‍රාමික උපකරණ හමුවූ නිවසේ හිමිකරු හමුදා සේවයෙන් විශ්‍රාම ගිය අයෙක් වන අතර, ඔහු මේ වන විට බහරේන්හි රැකියාවක නිරතව සිටින බව පොලීසිය සඳහන් කරයි. මෙම පතරොම් සහ උපකරණ මෑත කාලයේදී එහි රැගෙන ආ ඒවා නොවන බව විමර්ශනයේදී පෙනී ගොස් තිබේ.
