යුද හමුදාධිපතිතුමන්ගේ මඟපෙන්වීමත්, විධායක ජෙනරාල්තුමන්ගේ උපදෙස් හා පුහුණු අධ්‍යක්‍ෂ ජෙනරාල් සහ පිරිස් පරිපාලන අධ්‍යක්‍ෂතුමන්ගේ අධීක්‍ෂණය මත ශ්‍රී ලංකා යුද හමුදාව වෙතින් මේ වනවිට ‘රෙජිමේන්තු සැරයන් මේජර්වරු සහ සරඹ උපදේශකවරුන්ගේ ප්‍රගමන ප්‍රවර්ධන හා නායකත්ව සංස්කරණ පාඨමාලාව – අම්පාර සටන් පුහුණු පාසල් පරිශ්‍රයේදී පසුගියදා ආරම්භ කරනු ලැබීය.
සරඹ උපදේශක පාඨමාලාව සම්පූර්ණ කළ රෙජිමේන්තු සැරයන් මේජර්වරුන්, සරඹ උපදේශකවරුන්, ජ්‍යෙෂ්ඨ කොමිෂන් නොලත් නිලධාරීන් හා කොමිෂන් නොලත් නිලධාරීන්ගේ විශේෂඥතාව වැඩිදියුණු කිරීම වෙනුවෙන් ආරම්භ කරනු ලැබූ මෙම පාඨමාලාව 2025 මාර්තු මස 25 දින දක්වා පැවැත්වේ. මෙම පාඨමාලාව තුළින් සියලුම රෙජිමේන්තුවල වෘත්තීය සංවර්ධනය, නායකත්ව ගුණාංග වැඩිදියුණු කිරීම සහ සරඹ ප්‍රමිතීන් වැඩිදියුණු කිරීම කෙරෙහි අවධානය යොමුකරනු ලබයි.
අම්පාර සටන් පුහුණු පාසලේ සේනාවිධායක බ්‍රිගේඩියර් එම්.පී.එස්.පී. කුලසේකර මහතා විසින් පාඨමාලාවේ ආරම්භක දේශනය පවත්වනු ලැබීය.
