විශ්වශක්ති යන වචනය ප්‍රථමවරට ශ්‍රී ලංකාවට හඳුන්වා දෙනු ලැබුවේ ආචාර්ය දෙල්දූවේ ඤාණසුමන හිමිපාණන් විසිනි.ඒ 2000 වසරේ රාජගිරිය,කලපළුවාව විශ්ව ශක්ති නිකේතනය කේන්ද්‍රය කරගෙනය.විශ්වශක්ති වැඩසටහන ලංකාව පුරා දැනුම්වත් කිරීමට සමත් වූ උන්වහන්සේ පසුව එම වැඩසටහන් අමෙරිකාව,එංගලන්තය,ජර්මනිය,ජපානය ආදී රටවල ද පවත්වනු ලැබූහ. එංගලන්තයේ MMD and Body Spitit Festival වැඩසටහනේ ජනප්‍රිය වැඩසටහනක් ලෙස උන්වහන්සේගේ විශ්වශක්ති ඥානය ජනප්‍රිය විය. මේ වැඩසටහන වඩාත්ම ජනප්‍රිය වූයේ ජපානයේය. මේ වන විට දස දහස් ගණන් ජනතාව උන්වහන්සේගේ විශ්වශක්ති වැඩසටහන සමඟ එක්ව සිටිති.
මේ නිසාම එම වැඩසටහනේ 25වැනි සංවත්සරය ජපානයේදී සැමරීමට ජපන් ජාතිකයන් උනන්දු වී ඇත. ඒ අනුව මේ මස 16 වැනි දින පෙරවරු 11.00ට විශ්වශක්ති 25වැනි සංවත්සර උලෙළ ජපානයේ අතිශයින්ම ප්‍රකට බේ කෝට් ක්ලබ් හෝටල් පරිශ්‍ර‍ෙය්දී පැවැත්වීමට ජපන් ජාතික පිරිස් කටයුතු යොදා ඇත.
