කැලණිය විශ්විද්‍යාලයේ ජනසන්නිවේදන අධ්‍යයන අංශයේ ආදි විද්‍යාර්ථින් වන ශාස්ත්‍රපති ගයාන් ඉද්දමල්ගොඩ සහ ශාස්ත්‍රපති ඉනෝකා මිණිපළඟ විසින් අධ්‍යයන අංශයට අත්‍යවශ්‍ය ව තිබූ සුහුරු පුවරුවක් ( Smart Board) පසුගියදා පරිත්‍යාග කරන ලදි.
කැලණිය විශ්වවිද්‍යාලයේ ජනසන්නිවේදන අධ්‍යයන අංශයේ ආදී විද්‍යාර්ථ සංසදයේ සුහද හමුවේදී මේ පරිත්‍යාගය සිදුකෙරිණි.1973 වසරේදී පිහිටුවන ලද කැලණිය විශ්වවිද්‍යාලයේ ජනසන්නිවේදන අධ්‍යයන අංශයෙන් විශේෂ ගෞරව උපාධි ලබාගත් වර්තමානයේ විවිධ ක්ෂේත්‍ර නියෝජනය කරන පිරිසක් මේ අවස්ථාවට සහභාගි වූහ.
ශාස්ත්‍රපති ගයාන් ඉද්දමල්ගොඩ මහතා සහ ශාස්ත්‍රපති ඉනෝකා මිණිපළඟ මහත්මිය සුහුරු පුවරුව කැලණිය විශ්වවිද්‍යාලයේ ජනසන්නිවේදන අධ්‍යයන අංශයේ අංශාධිපති ජ්‍යෙෂ්ඨ කථිකාචාර්ය විජයානන්ද රූපසිංහ මහතාට පිළිගැන්වූ අයුරු.
