බස්නායක නිලමේගෙන් CIDයට පැය 3ක ප්‍රකාශයක්
කතරගම මැණික් ගඟට යාබදව ඇති රජයේ රක්ෂිතයකට අයත් ඉඩම් කොටසක නීති විරෝධීව ඉදිකර ඇති කාමර 12ක පමණ වූ ගොඩනැඟිල්ල සම්බන්ධයෙන් කෙරෙන විමර්ශනයට අදාළව කතරගම බස්නායක නිලමේ ඩිෂාන් ගුණසේකර මහතාගෙන් අපරාධ පරීක්ෂණ දෙපාර්තමේන්තුව පැය තුනහාමාරක කාලයක් ඊයේ (10) ප්‍රකාශ සටහන් කර ගනු ලැබිණ.
ඊයේ (10) පෙරවරු 11 ට පමණ එහි පැමිණි නිලමේවරයා පස්වරු 2ට පිටව ගිය අතර හිටපු ජනාධිපති මහින්ද රාජපක්ෂ මහතා ජනාධිපතිවරයාව සිටියදී කිරිවෙහෙරේ සෝරත හිමියන් විසින් ඉදි කරන ලද නිවෙසක් සම්බන්ධයෙන් තොරතුරු දැන ගැනීමට තමන් ගෙන්වූ බව මාධ්‍යවේදීන් හමුවේ ප්‍රකාශ කළේය.
“කිරිවෙහෙරේ සෝරත හාමුදුරුවෝ මහින්ද රාජපක්ෂ මහත්තයා වෙනුවෙන්, ජනාධිපති කාලයේ හදපු ගෙයක් තියෙනවා කතරගම. ඒ ගෙදර පිළිබඳව විස්තර දැනගන්න තමා මට එන්න කිව්වේ. මට චෝදනාවක් නෑ. ඒ කියන්නේ ඒ ගෙදර ගැන හරි විස්තරේ දන්නේ මම. මොකද ඒ ගෙදර හදපු කෙනා දැන් අසනීපෙන්. සෝරත හාමුදුරුවොත් දැන් අපවත්වෙලා. ඒක මහින්ද මහත්තයාට නෙමෙයි අයිතියි. සෝරත හාමුදුරුවෝ තමා වියදම් කළේ, හැදුවේ විමලරත්න කියලා මහත්තයෙක්. ඒ කාලේ යුද්දේ දිනපු කාලේ මහින්ද මහතයාට හැම පන්සලකම වගේ ඔය වගේ ගෙයක්. කුටියක් හදලා තිබුණා යැයිද හෙතෙම මෙහිදී පැවසුවේය.
