සිරි දළදා දැක්ම මංගල්‍යයේ සංවිධාන කටයුතු පිළිබඳ සාකච්ඡාවක් බුද්ධශාසන, ආගමික හා සංස්කෘතික කටයුතු අමාත්‍ය ආචාර්ය හිනිදුම සුනිල් සෙනෙවි මහතාගේ සහභාගීත්වයෙන් අමාත්‍යාංශයේ දී පසුගියදා (7) පැවැත්විණි.
ඒ සඳහා මහා විහාරවංශික ශ්‍යාමෝපාලි මහා නිකායේ මල්වතු මහා විහාර පාර්ශ්වයේ කාරක සංඝ සභික මහා ලේඛකාධිකාරි, ආචාර්ය පහමුණේ ශ්‍රී සුමංගල නායක ස්වාමීන්ද්‍රයන් වහන්සේ සහ මහා විහාරවංශික ශ්‍යාමෝපාලි මහා නිකායේ අස්ගිරි මහා විහාර පාර්ශ්වයේ කාරක සංඝ සභික, ආචාර්ය මුරුද්දෙණියේ ශ්‍රී ධම්මරතන නායක ස්වාමීන්ද්‍රයන් වහන්සේගේ ගෞරවනීය වැඩමවීම ද සිදුවිණි.
බුද්ධශාසන,ආගමික හා සංස්කෘතික කටයුතු අමාත්‍යාංශයේ ලේකම් ප්‍රින්ස් සේනාධීර මහතා ද ‘සිරි දළදා දැක්ම මංගල්‍යයේ’ සංවිධාන කටයුතුවල වගකීම් දරන පාර්ශ්ව රැසක් ද මෙම සාකච්ඡාවට සහභාගි වූහ.
