43
බලශක්ති ක්ෂේත්‍රයේ තිරසර, දිගුකාලීන වැඩපිළිවෙළක් පිළිබඳ ජනාධිපති අනුර කුමාර දිසානායක මහතා හා ලංකා විදුලිබල මණ්ඩලයේ නිලධාරීන් අතර සාකච්ඡාවක් පැවැත්විණ. ජනාධිපති ලේකම් කාර්යාලයේ දී පෙරේදා (05) පැවති මෙම සාකච්ඡාවේ දී ඒ පිළිබඳ දීර්ඝ ලෙස සාකච්ඡා කෙරිණ.
බලශක්ති සංරක්ෂණය පිළිබඳ ද මෙහි දී කතාබහට ලක් විය. අඛණ්ඩව බලශක්ති සැපයුම් පවත්වා ගැනීම හා බලශක්ති ක්ෂේත්‍රයට අදාළ වර්තමාන හා අනාගත අපේක්ෂිත තත්ත්වයන් පිළිබඳ ද මෙහි දී ජනාධිපතිවරයාගේ අවධානය යොමු විය.
මෙම අවස්ථාව සඳහා, බලශක්ති ඇමැති කුමාර ජයකොඩි, බලශක්ති අමාත්‍යාංශයේ ලේකම් මහාචාර්ය කේ.ටී.එම්. උදයංග හේමපාල, මුදල් අමාත්‍යාංශයේ ලේකම් මහින්ද සිරිවර්ධන මහත්වරු ද ලංකා විදුලිබල මණ්ඩලයේ සභාපති ආචාර්ය තිලක් සියඹලාපිටිය ඇතුළු ලංකා විදුලිබල මණ්ඩලයේ නිලධාරීහු පිරිසක්ද එක්ව සිටියහ.
