මේ, රයිගම් ටෙලීස් 21 වැනි සංවත්සරයයි. වසර 21ක් තිස්සේ අඛණ්ඩව ඉදිරියට රැගෙන ආ රයිගම් ටෙලීස් ටෙලිනාට්‍ය මාධ්‍ය සම්මාන උලෙළ 2024 වර්ෂයේ විකාශය වූ ටෙලි නිර්මාණ ඇගයීම මෙවරත් සිදු කිරීමට සූදානම්ය.
විශිෂ්ට රූපවාහිනී මාධ්‍ය කලාවක් උදෙසා උරදෙන සියලු ශිල්පීන්ට හා මාධ්‍ය ආයතනයන්හි දායකත්වය ඇගයීමට ලක් කිරීම මෙහි අරමුණයි. සම්මාන රාත්‍රියට පෙර සිදු කෙරෙන නිර්දේශිත නාම උලෙළ පසුගිය දින ප්‍රවීණ නාට්‍යවේදී හා රංගන ශිල්පී ලූෂන් බුලත්සිංහලයන්ගේ ප්‍රධානත්වයෙන් සිදු කෙරිණි. එය රයිගම් සමූහ ව්‍යාපාරයේ සභාපති ආචාර්ය රවී ලියනගේ, රයිගම් සමූහ ව්‍යාපාරයේ කළමනාකාර අධ්‍යක්ෂ ක්‍රිෂාන් තියඩෝ, රයිගම් සමූහ ව්‍යාපාරයේ ජ්‍යෙෂ්ඨ අධ්‍යක්ෂ ගණක අමරසිංහ, සම්පත් බැංකුවේ ජ්‍යෙෂ්ඨ නියෝජ්‍ය සාමාන්‍යාධිකාරි අලෙවිකරණය හා පාරිභෝගික සබඳතා සහ කාඩ් මධ්‍යස්ථානයේ තාරක රන්වල සහ විනිශ්චය මණ්ඩල සභාපති බුද්ධදාස ගලප්පත්ති ඇතුළු සාමාජික සාමාජිකාවන්ගෙන්ද, කලාකරුවන් සහ විශේෂ ආරාධිත අමුත්තන්ගේ ප්‍රධානත්වයෙන් බත්තරමුල්ල වෝටර්ස් එජ් හෝටල් පරිශ්‍රයේදී පැවැත්විණි. මෙයට සමගාමිව සම්මාන රාත්‍රිය එළඹෙන මාර්තු මස 29 වැනිදා කොළඹ ෂැංග්‍රිලා හෝටලයේදී පැවැත්වීමට නියමිතය.
සම්මාන සඳහා නිර්දේශිතයන් තෝරාගැනීමේ ක්‍රියාවලිය සිදු කරන ලද්දේ අයදුම්පත් යොමු කිරීමෙන්ය. නැවත විකාශයන් සහ මුදල් ගෙවා පමණක් නැරඹිය හැකි රූපවාහිනී චැනල මේ සඳහා සුදුසුකම් නොලැබීය. උලෙළ සඳහා ඉදිරිපත් වන සියලු නිර්මාණ ස්වාධීන විනිශ්චය මණ්ඩලයක් විසින් ඇගයීමට ලක් කර ඇත.
කලින් තීරණය කරන ලද ටෙලිනාට්‍ය හා රූපවාහිනී මාධ්‍ය විශිෂ්ටතා සඳහා වන නිර්දේශ හා සම්මානලාභීන් විනිශ්චය මණ්ඩලය විසින් තීරණය කරනු ලබයි. ජනප්‍රිය හා ජනගත සම්මාන ජයග්‍රාහයකින් ප්‍රේක්ෂක sms මනාපය මත තෝරා ගැනේ. වසරේ ජනප්‍රියම ටෙලිනාට්‍ය, ටෙලිනාට්‍ය නළුවා සහ නිළිය, ප්‍රේක්ෂක මනාපයෙන් 2025.02.28 දින සිට 2025.03.28 දක්වා තෝරාගැනේ. වඩාත්ම ජනගත ටෙලිනාට්‍යය, රූපවාහිනී වැඩසටහන් සහ ප්‍රවෘත්ති විකාශය, දීපව්‍යාප්ත SMS සමීක්ෂණයක් මඟින් තෝරාගනු ලැබේ. විශේෂ ප්‍රණාම සම්මාන සඳහා වන නිර්දේශ විශේෂ උපදේශක සභාවක් මඟින් සිදු කෙරේ. මේ අනුව සම්මාන කුලක හතක් ටෙලිනාට්‍ය විශිෂ්ටතා සම්මාන, රූපවාහිනී මාධ්‍ය විශිෂ්ටතා සම්මාන, ජනප්‍රිය සම්මාන, සඳහා පෙබරවාරි 28 වැනි දින සිට මාර්තු 28 වන දා මධ්‍යම රාත්‍රිය දක්වා sms මත විමසුමට විවෘතව පවතී. ජනගත සම්මාන කුලකය, වඩාත් ජනගත ටෙලිනාට්‍යය, ජනගත රූපවාහිනී වැඩසටහන, ජනගත ප්‍රවෘත්ති විකාශය පෙබරවාරි මස 20 වැනි දිනට පෙර අයදුම්පත් යොමු කළ යුතුව තිබිණි. ප්‍රණාම සම්මාන 2ක් වාර්ෂිකව ප්‍රදානය කරන අතර ජීවිතේ එක් වතාවක් පමණක් ප්‍රදානය කරන ප්‍රතිභා ප්‍රභා ගෞරව සම්මානය සෑම උලෙළකදීම ප්‍රදානය කරන උත්තම සම්මානයයි. රූපවාහිනී නාළිකාව ඇගයීම සහ කලාකරුවන්ට පිදෙන දහසින් බැඳී පියලි සමඟ සම්මාන මුරය අවසන් වේ. වාර්ෂිකව පැවැත්වෙන රයිගම් ටෙලීස් සම්මාන උලෙළ ප්‍රධාන උලෙළ දෙකකින් සමන්විත වේ. ඒ නිර්දේශිත නාම උත්කර්ෂවත් උලෙළ සහ අවසාන සම්මාන රාත්‍රියයි. සියලුම නිර්දේශලාභීන් සහ සම්මානලාභීන් සඳහා වටිනා මුදල් ත්‍යාග සහ එක් වර්ෂයක් සඳහා බලපාන රුපියල් මිලියනයක ජීවිත රක්ෂණයක් සහ රුපියල් ලක්ෂයක් වටිනා වෛද්‍ය රක්ෂණාවරණයක් සමඟ ඔවුන්ගේ හැකියාව අගය කරමින් වටිනා සහතික පතක් ද පිරිනමනු ලැබේ.
මෙවර රයිගම් ටෙලීස් නිර්දේශිත නාම ලැබූ වැඩසටහන් මෙසේයි.
මාධ්‍ය විශිෂ්ටතා සම්මාන
වසරේ විශිෂ්ටතම රූපවාහිනී ළමා වැඩසටහන
වසරේ විශිෂ්ටතම රූපවාහිනී කී‍්‍රඩා වැඩසටහන
වසරේ විශිෂ්ටතම රූපවාහිනී අධ්‍යාපන වැඩසටහන
වසරේ විශිෂ්ටතම රූපවාහිනී සංගීත වැඩසටහන
.වසරේ විශිෂ්ටතම රූපවාහිනී හඬකැවීම
වසරේ විශිෂ්ටතම රූපවාහිනී වාර්තා වැඩසටහන
වසරේ විශිෂ්ටතම රූපවාහිනී සඟරාමය වැඩසටහන
වසරේ විශිෂ්ටතම රූපවාහිනී පුවත් විශේෂාංගය
වසරේ විශිෂ්ටතම රූපවාහිනී දේශපාලන කථිකා වැඩසටහන
වසරේ විශිෂ්ටතම රූපවාහිනී ප්‍රවෘත්ති විකාශය
වසරේ නිර්මාණාත්මකම රූපවාහිනී රියැලිටි වැඩසටහන
වසරේ විශිෂ්ටතම රූපවාහිනී ප්‍රවෘත්ති නිවේදක (සිංහල)
වසරේ විශිෂ්ටතම රූපවාහිනී ප්‍රවෘත්ති නිවේදිකා (සිංහල)
වසරේ විශිෂ්ටතම රූපවාහිනී ප්‍රවෘත්ති නිවේදක/නිවේදිකා (දමිළ)
වසරේ විශිෂ්ටතම රූපවාහිනී ප්‍රවෘත්ති නිවේදක/නිවේදිකා (ඉංගී‍්‍රසි)
වසරේ නිර්මාණාත්මකම වරලත් රූපවාහිනී වැඩසටහන
මාධ්‍ය විශිෂ්ටතා සම්මාන
නිර්දේශිත නාම
වසරේ විශිෂ්ටතම රූපවාහිනී සම්ප්‍රවේශක (සිංහල)
වසරේ විශිෂ්ටතම රූපවාහිනී සම්ප්‍රවේශක (දමිළ)
වසරේ විශිෂ්ටතම රූපවාහිනී සම්ප්‍රවේශක (ඉංගී‍්‍රසි)
ටෙලිනාට්‍ය විශිෂ්ටතා සම්මාන නිර්දේශිත නාම
වසරේ විශිෂ්ටතම ටෙලිනාට්‍ය අංග රචනය
වසරේ විශිෂ්ටතම ටෙලිනාට්‍ය – කලා අධ්‍යක්ෂණය
වසරේ විශිෂ්ටතම ටෙලිනාට්‍ය ශබ්ද පටිගතකිරීම
වසරේ විශිෂ්ටතම ටෙලිනාට්‍ය කැමරාකරණය
වසරේ විශිෂ්ටතම ටෙලිනාට්‍ය සංස්කරණය
වසරේ විශිෂ්ටතම ටෙලිනාට්‍ය සංගීත අධ්‍යක්ෂණය
වසරේ විශිෂ්ටතම ටෙලිනාට්‍ය ගීත රචනය
වසරේ විශිෂ්ටතම ටෙලිනාට්‍ය ගීත ගායකයා
වසරේ විශිෂ්ටතම ටෙලිනාට්‍ය ගීත ගායිකාව
වසරේ විශිෂ්ටතම ටෙලිනාට්‍ය සහාය නළුවා
වසරේ විශිෂ්ටතම ටෙලිනාට්‍ය සහාය නිළිය
වසරේ නැඟී එන ටෙලිනාට්‍ය නළුවා
වසරේ නැඟී එන ටෙලිනාට්‍ය නිළිය
වසරේ විශිෂ්ටතම ටෙලිනාට්‍ය නළුවා
වසරේ විශිෂ්ටතම ටෙලිනාට්‍ය නිළිය
වසරේ විශිෂ්ටතම ටෙලිනාට්‍ය තිර රචනය
වසරේ විශිෂ්ටතම ටෙලිනාට්‍ය අධ්‍යක්ෂණය
වසරේ විශිෂ්ටතම ටෙලිනාට්‍ය
වසරේ විශිෂ්ටතම ඒකාංගික ටෙලිනාට්‍ය
වසරේ විශිෂ්ටතම ටෙලි චිත්‍රපටය
