58
හෙද හෙදියන්ගේ වැටුප් සම්බන්ධයෙන් වන කිසිදු වැඩවර්ජනයකට තම සංගමයේ සාමාජිකයන් සහභාගි නොවන බව සමස්ත ලංකා හෙද සංගමයේ ලේකම් එස්.බී. මැදිවත්ත මහතා ‘දිනමිණට’ ඊයේ (05) පැවසීය.
රජය මඟින් සිදු කර ඇති හෙද වැටුප් වැඩි කිරීම සම්බන්ධයෙන් කිසිදු ගැටලුවක් තම සංගමයේ සාමාජිකයන්ට නොමැති බවත් අදාළ මූලික වැටුප් වැඩි කිරීම සම්බන්ධයෙන් රජයට ප්‍රශංසා කරන බවත් ඒ මහතා පැවසුවේය.
මෙතරම් වැටුප් වැඩි කිරීමක් රජයෙන් සිදු කර තිබියදීත් රෝගීන් අපහසුතාවට පත් කරන ආකාරයේ කිසිදු වෘත්තීය ක්‍රියාමාර්ගයක් නොගන්නා බව ද හෙතෙම පැවසීය.
