164
සිය සහෝදරයා විසින් දෘශ්‍යාබාධිත මන්ත්‍රී සුගත් වසන්ත මහතා ඉලක්ක කර ගනිමින් සිදු කර ඇති නොමිනිස් කතාව ගැන මියගිය මවුපියන් නාමයෙන් විශේෂ අවශ්‍යතා ඇති සියලු ප්‍රජාවගෙන් සමාව අයැද සිටින බව ජනප්‍රිය ගායක කිත්සිරි ජයසේකර මහතා පවසයි.
දෘශ්‍යාබාධිත සුගත් වසන්ත මහතා ඉලක්ක කර ගනිමින් පාර්ලිමේන්තු මන්ත්‍රී දයාසිරි ජයසේකර මහතා විසින් කරන ලද ප්‍රකාශය සම්බන්ධව ෆේස්බුක් සටහනක් තබමින් කිත්සිරි ජයසේකර මහතා මේ බව කියා තිබේ.
මා මෙන්ම මාගේ මවගේ කුසින් මෙලොවට බිහි කළ මගේ සහෝදරයා විසින් සුගත් සහෝදරයාට පමණක් නොව සමස්ත විශේෂ අවශ්‍යතා සහිත ආදරණීය සහෝදර සහෝදරයන්ගේ ප්‍රජාව උදෙසා කළ එම ප්‍රකාශය සම්බන්ධයෙන් සමාවන්නැයි ද හෙතෙම එහි දක්වා ඇත.
මිනිසත් බව ලද මිනිසකු විසින් නොකිව යුතු නොමිනිස් කතාවක් යැයි ද එහි සඳහන් කර ඇත.
