2024 වසරේ ජාතික යොවුන් නාට්‍ය උළෙල ඇතුළු යෞවන සම්මාන තරගාවලියේ ජයග්‍රහයක ජයග්‍රාහිකාවන් වෙත සම්මාන හා ත්‍යාග ප්‍රදානය කරන 44 වැනි ජාතික යෞවන සම්මාන උළෙල අගමැතිනි, ආචාර්ය හරිනි අමරසූරිය මෙණවියගේ ප්‍රධානත්වයෙන් අද (06) වන දා සවස 4.00ට අරලියගහ මන්දිරයේ දී පැවැත් වේ.
රටපුරා විසිරී සිටින සිංහල දෙමළ මුස්ලිම් බර්ගර් හා අනෙකුත් ජාතීන් නියෝජනය කරමින් සිංහල දෙමළ ඉංග්‍රීසි මාධ්‍ය තුනෙන්ම සියලු පළාත් ආවරණය වන පරිදි ඉදිරිපත්වන තරුණ තරුණියන් විශාල ප්‍රමාණයක් අතුරින් දක්ෂතා දැක්වූ නිර්මාණශීලී තරුණ තරුණියෝ මෙහි දී සම්මානයට පාත්‍ර වෙති.
නාට්‍යය හා රංගනය, නර්තනය, ගායනය හා වාදනය, නැටුම් චිත්‍ර හා මූර්ති ශිල්පය, කවි කෙටිකතා නිර්මාණාත්මක ලේඛනය, නිවේදන කලාව ආදී විවිධ සෞන්දර්ය විෂය පථයන් ඔස්සේ තරග ඉසව්‍, 160ක් සඳහා සම්මාන පිරිනමනු ලැබේ. තරුණ කටයුතු හා ක්‍රීඩා විෂයභාර ඇමැති සුනිල් කුමාර ගමගේ, නියෝජ්‍ය ඇමැති එරංග ගුණසේකර, තරුණ කටයුතු පිළිබඳ ශ්‍රී ලංකාවේ අධ්‍යක්ෂ ජනරාල්/ සභාපති නීතිඥ සුපුන් විජේරත්න යන මහත්වරුන්, තරුණ කටයුතු හා ක්‍රීඩා අමාත්‍යාංශය, ජාතික තරුණ සේවා සභාව සහ ශ්‍රී ලංකා යෞවන සමාජ සම්මේලනය එක්ව මෙම සම්මාන උළෙල සංවිධාන කරනු ලබන අතර රටේ ජනප්‍රිය නළුනිළියන්, යෞවන සම්මානලාභීන්, නාට්‍ය හා රංග කලා ක්ෂේත්‍රයේ ප්‍රවීණයන්, සාහිත්‍යවේදීන් මීට සහභාගි වෙති.
