පළාත් පාලන මැතිවරණයට අදාළ සැලසුම් සහ ඒ සම්බන්ධයෙන් මතුවන ගැටලු පිළිබඳ සාකච්ඡා කිරීමට ජාතික මැතිවරණ කොමිසම අද (06) රැස්වීමට නියමිතය.
පළාත් පාලන මැතිවරණයට නාමයෝජනා කැඳවීමෙන් අනතුරුව ජාතික මැතිවරණ කොමිෂන් සභාව රැස්වන පළමු අවස්ථාව වන්නේ මෙයයි. අද පැවැත්වෙන රැස්වීමෙන් අනතුරුව දිස්ත්‍රික් තේරීම්භාර නිලධාරීන් සහ සහකාර මැතිවරණ තේරීම්භාර නිලධාරීන් කොළඹට කැඳවීමට මැතිවරණ කොමිසමේ අවධානය යොමුව තිබේ. ලබන සෙනසුරාදා දිනයේදී එම රැස්වීම පැවැත්වීමට නියමිතව ඇත. මේ අතර පළාත් පාලන ඡන්දයේ තැපැල් ඡන්ද අයදුම්පත් භාර ගැනීමේ කටයුතු ද මේ වන විට ආරම්භ කර ඇති අතර, තැපැල් ඡන්ද අයදුම්පත් භාර ගැනීමේ කාලසීමාව කිසිසේත් දීර්ඝ නොකරන බව මැතිවරණ කොමිසමේ උසස් නිලධාරියෙක් පැවසීය.
පළාත් පාලන ආයතන මැතිවරණයේ නාමයෝජනා භාර ගැනීම එළඹෙන 17 වැනිදා ආරම්භ වනු ඇත.
