මැලේසියාව සහ ශ්‍රී ලංකාව අතර අවබෝධතා ගිවිසුමක්

මැලේසියානු බෞද්ධ සමාජය සහ ශ්‍රී ලාංකේය බෞද්ධ සමාජය අතර සමීප සබඳතාවක් පවත්වා ගැනීමේ අරමුණින් දෙරට අතර අවබෝධතා ගිවිසුමක් අත්සන් තැබීමට පියවර ගැනේ.

මෙරට සංචාරයක නිරත මැලේසියානු භික්ෂූන් වහන්සේලා කණ්ඩායමක් සහ බුද්ධශාසන, ආගමික හා සංස්කෘතික කටයුතු ඇමැති, ආචාර්ය හිනිදුම සුනිල් සෙනෙවි මහතා පෙරේදා (04) අමාත්‍යාංශයේදී මේ පිළිබඳ සාකච්ඡා කරනු ලැබීය.

දෙරට අතර බෞද්ධාගමික සබඳතා වැඩි දියුණු කර ගැනීම එහි අරමුණයි.

මැලේසියානු බෞද්ධ සමාජය සහ ශ්‍රී ලාංකේය බෞද්ධ සමාජය අතර සමීප සබඳතාවක් පවත්වා ගැනීමේ අරමුණින් දෙරට අතර අවබෝධතා ගිවිසුමක් සම්පාදනයට අවධානය යොමු කරන බව ඇමැතිවරයා එම පිරිස හමුවේ පැවැසීය.

මැලේසියාවේ Phra Baidika Ashik Pannasiha ස්වාමින් වහන්සේ, වනවාසී රාහුල හිමියන් ඇතුළු ගිහි පැවිදි පිරිසක් ද අමාත්‍යාංශ නිලධාරීහු ද මෙයට එක් වූහ.