40
කොළඹ – අවිස්සාවේල්ල පරණ පාරේ ඉහළ හංවැල්ල ප්‍රදේශයේ 26 වැනි කිලෝමීටර් කණුව අසල මාර්ගයේ කාණු පද්ධති නිසි පරිදි නඩත්තු නොකිරීම හේතුවෙන් සුළු වර්ෂාවකට පවා එම ස්ථානය ජලයෙන් යටවන බව ප්‍රදේශවාසීහු පවසති.
මීට දින දෙකකට පමණ ඉහතදී ප්‍රදේශයට පැවති වර්ෂාව හේතුවෙන් මාර්ගය මෙලෙස ජලයෙන් යටවී තිබීම හේතුවෙන් ඒ අසලින් ඇති රාජසිංහ විද්‍යාල මාවතට ප්‍රවේශ වන අතුරු මාර්ගයක් ද ජලයෙන් යටවී දැඩි රථ වාහන තදබදයක් ද පැවතුණි. වසර ගණනාවක් පුරා මාර්ගය මෙලෙස ජලයෙන් යටවීම සම්බන්ධයෙන් කිසිදු වගකිවයුතු අංශයක අවධානය යොමු නොවූ අවස්ථාවක, දැනට රජය මගින් ක්‍රියාත්මක කරනු ලබන ‘ක්ලීන් ශ්‍රී ලංකා’ වැඩසටහන් යටතේ හෝ සුළු වර්ෂාවකට පවා ජලයෙන් යටවන මෙම ස්ථානයේ ගැටලුවට ස්ථිර විසඳුමක් ලබා දෙන මෙන් ඔවුහු වගකිවයුතු අංශවලින් ඉල්ලා සිටිති.
පාදුක්ක සමූහ – රෙක්සි වෙත්තසිංහ
