ලක්ෂ 285ක හොරට කැපූ වල්ලාපට්ට සමඟ අයෙක් මාට්ටු

කඹුරුපිටිය මාස්මුල්ල රක්ෂිත වනාන්තරයෙන් හොරට කපන ලද රුපියල් 285,000ක් වටිනා වල්ලාපට්ට ශාක කිලෝ 18.8ක් සමඟ එක් සැකකරුවෙකු අල්ලා ගැනීමට කඹුරුපිටිය අඩවි වන නිලධාරී දීපාල් උබේසිංහ මහතා ඇතුළු නිලධාරීන් පිරිසක් සමත්ව ඇත.

පසුගියදා අඩවි වන නිලධාරී කාර්යාලයට ලද තොරතුරකට අනුව සිදු කළ මෙහෙයුමකදී මෙම සැකකරු අල්ලා ගත් අතර, එම අවස්ථාවේ තවත් සැකකරුවන් දෙදෙනෙකු පලාගොස් තිබේ.

බළන්ගොඩ, බෙලිහුල්ඔය ප්‍රදේශයේ පදිංචිකරුවකු වන 27 හැවිරිදි සැකකරු, මාතර මහේස්ත්‍රාත් අධිකරණයට ඉදිරිපත් කිරීමෙන් පසු ලබන 28 වැනිදා දක්වා රක්ෂිත බණ්ධනාගාරගත කර තිබේ.

සැකකරුවන් දෙදෙනෙකු සොයා කඹුරුපිටිය අඩවි වන කාර්යාලයේ නිලධාරීන් විමර්ශන කරගෙන යයි.