වසර 40ක් දරුවන්ට අකුරු ඉගෙනීමට මඟපෙන්වූ පෙර පාසල් ගුරුතුමිය වනඅලි ප්‍රහාරයකින් දැයෙන් සමුගත් දුක්බර කතා පුවතක් ඇළහැර නිකපිටිය ගම්මානයෙන් වාර්තාවේ.
වනඅලියකු පහරදීමෙන් බරපතළ තුවාල ලබා මියගොස් ඇත්තේ ඇළහැර නිකපිටිය ගම්මානයේ පදිංචි ඩබ්ලිව්. ජී. ශ්‍රීයානි චන්ද්‍රලතා යන අවිවාහක 60 හැවිරිදි කාන්තාවකි. ඊයේ (27) උදේ 6.00ට පමණ මියගිය පෙර පාසල් ගුරුවරිය පෙර පාසලට යෑම සඳහා ආහාර පිසීමට හැළි වළං සේදීමට නි‍ෙවසින් එළියට පැමිණි අවස්ථාවේ නි‍ෙවස අසල මාර්ගයේ ගමන් ගත් වනඅලියා නි‍ෙවස අසල සිටි ශ්‍රියානි චන්ද්‍රලතා මහත්මියට පහර දී තිබුණි.
අලියාගේ පහරදීමෙන් බරපතළ තුවාල ලැබූ පාලිකාව බකමූණ රෝහලට ඇතුළත් කිරීමෙන් පසු මියගොස් තිබේ.
වසර 40ක පමණ කාලයක් පෙර පාසලේ දරුවන්ට අකුරු ඉ‍ෙගන ගන්න පෙරහුරුවක් කළ මෙම පාලකාවගේ මරණය පිළිබඳ නිකපිටිය ගම්මානයේ ගම්වැසියෝ කම්පාවට පත්වී සිටිති.
තේක්ක කැලෑව තුළ දිවා කාලයේ නවාතැන් ගන්න මෙම වනඅලියා පලවා හරින්න කටයුතු කරන මෙන් ගම්වැසියන් රජයේ වගකිවයුතු බලධාරින්ගෙන් ඉල්ලීමක් කරයි.
මරණය පිළිබඳ හදිසි මරණ පරීක්ෂණය බකමූණ රෝහ‍ෙල්දී පැවැත්වීමට නියමිතව ඇත. බකමූණ පොලීසිය මරණය පිළිබඳ පරීක්ෂණ පවත්වයි.
