න්‍යෂ්ටික අවි සහ හමුදා වියදම අවම කිරීමේදී ඇමරිකාව පළමුව ක්‍රියා කළ යුතු බව චීනය පවසයි.
න්‍යෂ්ටික අවි අවම කිරීම පිළිබඳව චීනය සහ රුසියාව සමග සාකච්ඡා පැවැත්වීමට සූදානම් බවත් අදාළ රටවල ආරක්ෂක අයවැයෙන් අඩක් අඩු කර ගන්නා ලෙසට එම සාකච්ඡාවේදී යෝජනා කිරීමට තමා බලාපොරොත්තු වන බවත් ඇමරිකා‍නු ජනාධිපති Donald Trump මෑතකදී ප්‍රකාශ කළේය.
මේ සම්බන්ධයෙන් චීන ආරක්ෂක අමාත්‍යංශ ප්‍රකාශක Wu Qian මහතා චීනයේ ස්ථාවරය පැහැදිලි කළේය.
ලොව විශාලතම න්‍යෂ්ටික අවි ගබඩාව ඇති රට ලෙස, ඇමරිකාව න්‍යෂ්ටික බලය අවම කිරීමේ වගකීම ප්‍රථමයෙන් ඉටු කළ යුතු අතර, තම න්‍යෂ්ටික අවි ගබඩාව විශාල ප්‍රමාණයකින් ප්‍රායෝගිකව අඩු කළ යුතු බව ඔහු කීය. ඇමරිකාවේ හමුදා වියදම දිගු කාලයක් පුරා ලොව පළමු ස්ථානයේ පවතී. එම වියදම, මෙම ලැයිස්තුවේ ඇමරිකාවෙන් පසු සිටින රටවල් අටෙහි සමස්ත හමුදා වියදම ද ඉක්මවා ගොස් ඇත. එබැවින් න්‍යෂ්ටික අවි හා හමුදා වියදම අඩු කිරීමේදී ද ඇමරිකාව පළමුව යන්න අනුගමනය කළ යුතු බව Wu Qian මහතා පෙන්වා දුන්නේය.
