ආචාර්ය ඇන්. ඇම්. පෙරේරා කුසලානය වෙනුවෙන් කොළඹ ආනන්ද විද්‍යාලය සහ කොළඹ නාලන්දා විද්‍යාලය අතර 95 වැනි වරට පැවැත්වෙන සුලෝහිත සංග්‍රාම වාර්ෂික මහා ක්‍රිකට ගැටුම මේ වන විට ආරම්භ වී තිබෙයි.
කොළඹ එස්.එස් සී ක්‍රීඩාපිටියේ දී පැවැත්වෙන මෙම තරඟයේ කාසියේ වාසිය දිනා ගැනීමට නාලන්ද කණ්ඩායම සමත් වී ඇති අතර ඒ අනුව ඒ අනුව ආනන්ද විද්‍යාලීය කණ්ඩායම පන්දුවට පහර දීමට පිටියට පිවිසීයේය.
මෙතෙක් පැවැති සුලෝහිත සංග්‍රාමයන් දෙදින තරග ලෙසින් පැවැති අතර මෙවර පළමු වරට තුන් දින තරගයක් ලෙසින් මෙම තරගය ක්‍රියාත්මක වන අතර හෙට (01) සහ අනිද්දා (02) දින දෙකේ ද තරඟය පැවැත්වෙයි.
1924 වසරේ දී ආරම්භ වූ මෙම තරගය මෙරට විද්‍යාලයීය බෞද්ධ පාසල් අතර පැවැත්වෙන පැරණිත ම වාර්ෂික මහා ක්‍රිකට් තරගය මෙන් ම මෙරට ජාතික ක්‍රිකට් කණ්ඩායමට වැඩි ම ක්‍රීඩකයන් ප්‍රමාණයක් එක් කරන ලද විද්‍යාල 2ක් ලෙසින් ද ප්‍රචලිතයි.
ශ්‍රී ලංකාවේ ප්‍රථම ටෙස්ට් ක්‍රිකට් නායක බන්දුල වර්ණපුර (නාලන්දා) මෙන් ම ශ්‍රී ලංකාවට ප්‍රථම වරට ලෝක කුසලානයක් රැගෙන ආ නායක අර්ජුන රණතුංග (ආනන්ද) ද මේ විද්‍යාල ද්විත්වයෙන් ක්‍රිකට් පිටියට පිවිසි ක්‍රීඩකයෝය.
ආනන්ද විද්‍යාලයීය වයස අවුරුදු 19න් පහළ කණ්ඩායම
අශිංස නයිනායක (නායක), කිත්ම විතානපතිරණ (උප නායක), නෙතුල එදිරිමාන්න, දනිඳු සෙල්ලපෙරුම, කෙනුල් ද සොයිසා, මිහින් මුණසිංහ, ලිත්ම පෙරේරා, දිනද අතලගේ, ඩිලාල් අමරසිංහ, ඔවින් පෙරේරා, බිනර ඉඳුවර, ශාරද ජයරත්න, කවීෂ මෙන්ඩිස්, දෙනෙත් බිම්සර, දසිත් බටුගහගේ, තිනුර සනුදිත, චමත්ක ඉරුශ, දනුජ වීරසූරිය, රශාන් ඩිලක්ෂ, දනිරු රණසිංහ, යසඳු කිරිඇල්ල.
නාලන්දා විද්‍යාලයීය වයස අවුරුදු 19න් පහළ කණ්ඩායම
සදෙව් සමරසිංහ (නායක), මනුප මන්මිත (උප නායක), ඔසඳ පමුදිත, නෙමිඳු අක්මීමන, සෙත්මිණ සේරසිංහ, ගෙවිඳු මනම්පේරි, නදුල් ජයලත්, සංතුල් විජේරත්න, මල්ෂ ප්‍රනාන්දු, සහන් ලිත්ම, මානස ද සිල්වා, තිසර දෙව්දුණු, හසිත් රත්නායක, තිමත් හේරත්, රිසත් ජයරත්න, රනුග වාත්තුහේවා, මිනෙව් පරණවිතාන, පුන්සර රාජකරුණා.
