237
පහ වසර ශිෂ්‍යත්ව විභාගයේ කඩඉම් ලකුණු කඩිනමින් නිකුත් කරන බව අග්‍රාමාත්‍ය, අධ්‍යාපන, උසස් අධ්‍යාපන සහ වෘත්තීය අධ්‍යාපන ඇමැති ආචාර්ය හරිනි අමරසූරිය මෙණෙවිය පාර්ලිමේන්තුවේ දී ඊයේ (27) පැවසුවාය.
මෙම විභාගයේ කඩඉම් ලකුණු ප්‍රමාද වීමට හේතුව විභාග දෙපාර්තමේන්තුවේ ප්‍රමාදයක් නොවන බවත් ඊට හේතුව විභාගයට අදාළව අධිකරණයේ පැවැති නඩු විභාගය බවත් අගමැතිනිය අවධාරණය කළාය.
ශිෂ්‍යත්ව විභාගයේ කඩඉම් ලකුණු ප්‍රමාද වීම සම්බන්ධයෙන් සමගි ජන බලවේගයේ කුරුණෑගල දිස්ත්‍රික් මන්ත්‍රී දයාසිරි ජයසේකර මහතා වාචිකව ඇසූ ප්‍රශ්නයකට පිළිතුරු දෙමින් අග්‍රාමාත්‍යවරිය මේ බව පැවසුවාය.
2024 පහ වසර ශිෂ්‍යත්ව විභාගය දෙමළ මාධ්‍යයෙන් ද පැවැතිණි. නැවත විභාගය පැවැත් වූයේ නම් ඔවුන්ට ගැටලුවක් මතු වන්නේ යැයි ද අගමැතිවරිය ප්‍රකාශ කළාය.
