Monday, April 7, 2025
Home » “ට්‍රම්ප් ගාසා” AI වීඩියෝව එළිදකියි

“ට්‍රම්ප් ගාසා” AI වීඩියෝව එළිදකියි

by chanaka
February 27, 2025 11:25 am 0 comment

අමෙරිකා ජනාධිපති ඩොනල්ඩ් ට්‍රම්ප් Truth Social ගිණුමේ ගාසා තීරයේ දේපළ වෙළඳාම් සංවර්ධනය සඳහා ඔහුගේ පැහැදිලි සැලසුම් නිරූපණය කරන AI-මඟින් නිර්මාණය කරන ලද “ට්‍රම්ප් ගාසා” වීඩියෝවක් පළ කර තිබේ.

මෙම විඩියෝවේ කමිසයක් නොමැතිව ට්‍රම්ප් සහ ඊශ්‍රායල අගමැති නෙතන්යාහු පලස්තීන භූමියේ ​​නිවාඩු නිකේතනයක නිවාඩුවක් ගත කරන ආකාරය නිරූපණය කරයි.

ට්‍රම්ප් පසුගිය අඟහරුවාදා රාත්‍රියේ ඔහුගේ Truth Social ගිණුමේ මෙම වීඩියෝව බෙදා ගත්තේය.

ඔහු ධවල මන්දිරයේදී නෙතන්යාහු සමඟ එක්සත් ජනපදය ‘ගාසා තීරය අත්පත් කර ගැනීමට’ සහ ‘එය සංවර්ධනය කිරීමට’ සැලසුම් කරන බව පැවසීමෙන් සති කිහිපයකට පසු මෙම වීඩියෝව පළ කර තිබීම විශේෂයත්වයකි.

“ට්‍රම්ප් ගාසා” ලෙස නම් කර ඇති මෙම AI-මඟින් වීඩියෝ නිර්මාණයෙහි ගාසා තීරයේ යුද්ධයෙන් විනාශ වූ රූප පෙන්වමින් ආරම්භ වන අතර “ට්‍රම්ප් ගාසා” නිඩාඩු නිකේතනයේ ට්‍රම්ප් සහ නෙතන්යාහු – දෙදෙනාම කමිසයක් නොමැතිව නාන තටාක අසල සෞදිය පුරන ආකාරයත් ඉලොන් මස්ක් කෑම ගන්නා ආකාරයත්, ස්ත්‍රීන් නර්තනයේ යෙදෙන ආකාරයත්, ට්‍රම්ප් ගේ රන්වන හිස සහිත බැලූනයක් අල්ලාගෙන සිටින දරුවෙකු දිවයන ආකාරයත්, ඉලොන් මස්ක් ඩොලර් නෝට්ටු ගුවනට විසිකරමින් යන ආකාරයත් අවසානයේ ට්‍රම්ප් ගේ දැවැන්ත රන් ප්‍රතිමාවක් දිස්වේ.

මෙම වීඩියෝව පසුබිමින්
“ඔබව නිදහස් කිරීමට ඩොනල්ඩ් පැමිණේ
සැමට ආලෝකය ගෙන ඔහු පැමිණ සිටී
තවත් උමං මාර්ග නැත
තවත් බිය විය යුතු නැත
ට්‍රම්ප් ගාසා වේ ඔබ සමඟ සිටී … යන උද්යෝගිමත් ගීතය වාදනය වේ.

මේ මස මුලදී නෙතන්යාහු සමඟ පැවති ධවල මන්දිර රැස්වීමකදී ගාසා සඳහා ඔහුගේ සැලසුම් ගැන ට්‍රම්ප් පැවසා තිබුණි. එහිදී ට්‍රම්ප් යෝජනා කළේ එක්සත් ජනපදයට ගාසා තීරය අත්පත් කර එය “මැද පෙරදිග රිවීරා” බවට පත් කළ හැකි බවයි. දැනට ගාසා තීරයේ ජීවත් වන මිලියන දෙකක පමණ පලස්තීනුවන් නැවත නොඑන ලෙසත් ඒ වෙනුවට “නව හොඳ, නැවුම්, ලස්සන ඉඩම් කැබැල්ලක්” සොයා ගත යුතු බවත් ඔහු යෝජනා කළේය. ඔවුන්ට ජෝර්දානය සහ ඊජිප්තුව වැනි අසල රටවලට යා හැකි බවත් යෝජනා කර තිබුණි.

නැවත සංවර්ධනය කරන ලද ගාසා තීරය “ලෝකයේ ජනතාවට” වාසය කළ හැකි ඇදහිය නොහැකි ජාත්‍යන්තර ස්ථානයක් බවට පත් වනු ඇති බවත් ට්‍රම්ප් එහිදී පවසා තිබුණි.

– රසික කොටදුරගේ –

වීඩියෝවේ සබැඳියාව පහළින් >>>

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT