සන්ෂයින් ක්‍රීඩා උලෙළේදී ජ’පුරේ උචිත්ට රන් පදක්කමක්

කොළඹ රොටරි සමාජය දිස්ත්‍රික් 3220 විසින් සංවිධාන කළ ‘SUNSHINE GAMES 2025’ ක්‍රීඩා උලෙළේ දී ප්‍රථම ස්ථානයක් හිමිකර ගැනීමට ජයවර්ධනපුර විශ්වවිද්‍යාලයීය ශාස්ත්‍ර පීඨයේ සිවුවැනි වසරේ ඉගෙනුම ලබන ඩී.එම්.සී. උචිත් ධර්මපාල සමත් විය. ඔහු පූර්ණ දෘශ්‍යාබාධිත කාණ්ඩයේ අවුරුදු 22න් ඉහළ පිරිමි මීටර් 100 ඉසව්වෙන් මෙලෙස ප්‍රථම ස්ථානය දිනා ගත්තේය.

කොළඹ කැම්බල් පිටියේදී පසුගියදා පැවති මේ ක්‍රීඩා උලෙළ විශේෂ අවශ්‍යතා සහිත පුද්ගලයන් උදෙසා සිදුකරනු ලබන සුවිශේෂී ව්‍යාපෘතියකි.

මලිඳු තෙන්නකෝන්