බුද්ධශාසන ආගමික හා සංස්කෘතික කටයුතු අමාත්‍යාංශය යටතේ පවතින සැලසිනේ මීඩියා සොලූෂන්ස් ආයතනයේ සුභසාධක සංගමය විසින් සංවිධාන කළ සැහැල්ලු පන්දු ක්‍රිකට් තරගාවලියේ ශූරතාව සැලසිනේ ස්ට්‍රයිකර්ස් පිල දිනා ගත්තේය.
බොරැල්ල බන්ධනාගාර ක්‍රීඩාංගණයේදී පැවති මේ තරගාවලියේ අවසන් තරගයේදී තරිඳු මධුශංකගේ නායකත්වයෙන් යුත් සැලසිනේ වොරියර්ස් කණ්ඩායම ඕවර 7ක් තුළ කඩුලු 2ක් දැවී ලකුණු 106ක් ලබාගත් අතර, සැලසිනේ ස්ට්‍රයිකර්ස් කණ්ඩායම කිසිවෙකු නොදැවී ලකුණු 108ක් ලබා ජය තහවුරු කර ගත්තේය. යොහාන් ද සිල්වා නොදැවී ලකුණු 91යි.
තරගාවලියේ වීරයා සම්මානය යොහාන් ද සිල්වා, හොඳම ක්‍රීඩිකාව ප්‍රසංගි සමරවීර, හොඳම පන්දු යවන්නිය ලෙස සපුනි නිසංසලා සම්මාන ලැබූහ.
ප්‍රධාන ආරාධිතයන් ලෙස සහකාර බන්ධනාගාර අධිකාරී එස්. දසනායක, සැලසිනේ මීඩියා සොලූෂන්ස් සභාපති සමන් ආර්. සිල්වා, ආදි සැලසිනේ ක්‍රියාකාරී සාමාජිකයකුවූ හිටපු සාමාන්‍යාධිකාරී රංජන් ඒකනායක යන මහත්වරු එක්ව සිටියහ. සැලසිනේ සුභසාධක සංගමයේ සභාපති මනෝද්‍ය ඒකනායක හා භාණ්ඩාගාරික ප්‍රභාත් කහදූවආරච්චි යන මහත්වරු දායකත්වය සැපයීය.
කරන්දෙණිය සමූහ
අනුරාධ ප්‍රියදර්ශන
