151
ශ්‍රී ලංකා – චීන සබඳතා තවදුරටත් ශක්තිමත් කර ගැනීමේ අපේක්ෂාවෙන් කොළඹ දේවි බාලිකා පාසලේදී කඩදාසිවලින් විසිතුරු මෝස්තර නිර්මාණ ක්‍රම ඉගැන්වීමේ වැඩමුළුවක් කොළඹ කොන්පියුසිස් ආයතනයේ ගුරුවරුන්ගේ සහභාගිත්වයෙන් ඉකුත්දා (20) කොළඹ – චීන සංස්කෘතික මධ්‍යස්ථානය මඟින් පවත්වනු ලැබිණි.
මෙහිදී චීන සංස්කෘතික මධ්‍යස්ථානයේ අධ්‍යක්ෂක Ni Lisheng ප්‍රධාන ආරාධිතයා ලෙස සහභාගි විය. ශ්‍රී ලංකා චීන සංගමයේ සභාපති ජිනිත් ද සිල්වා, දේවි බාලිකා විද්‍යාලයේ විදුහල්පති සුනේත්‍රා වික්‍රමසිංහ, නියෝජ්‍ය විදුහල්පති යුගාන්ත ලියනගේ, කොළඹ චීන භාෂාව උගන්වන මධ්‍යස්ථානයේ අධ්‍යක්ෂ ආචාර්ය wang fei යන සම්පත්දායකයෝ ද මෙහිදී දේශන පැවැත්වූහ.
කොළඹ සමූහ – මහින්ද ප්‍රසාද්
