91
ඉතිහාසයේ ප්‍රථම වරට දේවාලයේ නිල භාරකරු වන බස්නායක නිලමේවරයෙකුගේ සහභාගිත්වයෙන් තොරව ඓතිහාසික සබරගමු මහ සමන් දේවාලයේ කරල් කැපීමේ මංගල්‍යය පසුගියදා සිදු කෙරිණි.
රත්නපුර කහංගම ප්‍රදේශයේ සබරගමු සමන් දේවාලයේ නින්දගමට අයත් කොස්ගල ගල්කැටිය වෙල්යායේ දී සාම්ප්‍රදායික චාරිත්‍රවලට අනුව මෙම කරල් කැපීමේ මංගල්‍යය සිදු කෙරිණි.
මෙම අවස්ථාව සඳහා සබරගමු මහ සමන් දේවාලයේ රාජකාරි මණ්ඩලය, මහ සමන් දේවාලයේ සහ අම්මඩුව කුඩා කතරගම දේවාලයේ හිටපු බස්නායක නිලමේවරුන් සහ රාජ්‍ය නිලධාරින්ද සහභාගි වූහ.
මේ වන විට සබරගමු සමන් දේවාලය බෞද්ධ කටයුතු කොමසාරිස්වරයාගේ තාවකාලික පාලනයට පත්කිරීමට අධිකරණ තීන්දුවක් ඇති නිසා බස්නායක නිලමේවර‍ෙයක් නොමැත.
කහවත්ත – ලසන්ත නිරෝෂණ පෙරේරා
