පේරාදෙණියේ වෙ‍ෙළඳසලකට ගොස් ෂැම්පු බෝතලයක් සහ තේ කොළ පැකට්ටුවක් සොරාගත් පේරාදෙණිය පොලීසියට අනුයුක්තව සේවය කරන උප පොලිස් පරීක්ෂකවරයකු පෙරේදා (22) අත්අඩංගුවට ගෙන ඇත.
මෙම උප පොලිස් පරීක්ෂකවරයා අවුරුදු 59ක් වයසැති පුද්ගලයෙකි.
පේරාදෙණිය, ඊරියගම පිහිටි වෙ‍ෙළඳසලකට පෙරේදා (22) ගොස් ඇති මෙම නිලධාරියා තෝරාගත් භාණ්ඩ සඳහා මුදල් ගෙවීමෙන් පසු ආයතනයේ සේවකයන් විසින් ඔහුව පරීක්ෂා කර ඇත්තේ සාක්කුවලට ඔහු එහි ඇති භාණ්ඩ දමාගන්නා අයුරු ආරක්ෂක කැමරාවලින් නිරීක්ෂණය වී තිබීම හේතුවෙනි.
එම පරීක්ෂාවේ දී ෂැම්පු බෝතලයක් සහ තේ කොළ ග්‍රෑම් 100ක පැකට්ටුවක් සේවකයන් විසින් සොයාගෙන තිබේ. මේ ගැන වෙ‍ෙළඳ ආයතනයේ කළමනාකරු විසින් පේරාදෙණිය පොලීසිය දැනුම්වත් කර ඇත.
ඒ අනුව එහි පැමිණි පොලිස් නිලධාරීන් උප පොලිස් පරීක්ෂකවරයා අත්අඩංගුවට ගෙන තිබේ. මහනුවර කොට්ඨාස භාර ජ්‍යෙෂ්ඨ පොලිස් අධිකාරිවරයා විසින් මෙම උප පොලිස් පරීක්ෂකවරයාගේ වැඩ තහනම් කිරීමට ද ඊයේ (23) වනවිට පියවර ගෙන තිබුණි.
ගයාන් කුමාර වීරසිංහ, අසේල කුරුළුවංශ
