ඇමරිකානු රාජ්‍ය දෙපාර්තමේන්තුව ඇමරිකා-චීන සබඳතා පිටුව සහ ඇමරිකා-චීන සබඳතා කරුණු ලැයිස්තුව සංශෝධනය කර තිබේ.
චීන විදේශ අමාත්‍යංශ ප්‍රකාශක Guo Jiakun මහතා මේ පිළිබඳ අදහස් දක්වමින් සඳහන් කළේ ඇමරිකාවේ හැසිරීම ඊනියා චීන-ඇමරිකා උපායමාර්ගික තරගය හුවා දක්වන බවයි. චීනය මේ පිළිබඳ දැඩි ලෙස අසතුටට පත්ව සිටින අතර ඊ‍ට දැඩි ලෙස විරුද්ධ ය.
චීනය සැමවිට ම, ජනාධිපති ෂී ජින් පිං මහතා විසින් ඉදිරිපත් කළ අන්‍යෝන්‍ය ගෞරවය, සාමකාමී සහජීවනය, සහයෝගීතා හා අන්‍යෝන්‍ය යහපත යන මූලධර්ම තුනට අනුකූලව, ඇමරිකා-චීන සබඳතා දෙස සලකා බලමින් එම සම්බන්ධතා වර්ධනය වෙනුවෙන් කටයුතු කරයි. එසේම චීනය සිය ජාතික ස්වෛරීභාවය, ආරක්ෂාව සහ සංවර්ධන අවශ්‍යතා දැඩි ලෙස ආරක්ෂා කරන බවද, Guo Jiakun මහතා සඳහන් කළේ ය. ඇමරිකා පාර්ශ්වය සිය රටේ ජනතාව සහ ජාත්‍යන්තර ප්‍රජාව නොමඟ යැවීම නැවැත්විය යුතු බවත්, චීනයට අපහාස කිරීම හා පීඩන එල්ල කිරීම නවතා දැමිය යුතු බවත්, චීන විදේශ අමාත්‍යංශයේ ප්‍රකාශකයා පැවසීය.
