Home » AI තාක්ෂණයෙන් යුත් Samsung Galaxy S25 හඳුන්වා දෙයි

AI තාක්ෂණයෙන් යුත් Samsung Galaxy S25 හඳුන්වා දෙයි

by mahesh
February 21, 2025 1:00 am 0 comment

Samsung Sri Lanka, ස්මාර්ට් ජංගම දුරකතනලෝලීන්ගේ සිහින සැබෑ කරමින් AI තාක්ෂණයෙන් බලගැන්වුණු Galaxy S25 Ultra, Galaxy S25+ සහ Galaxy S25 නිෂ්පාදන පෙළ පසුගියදා ශ්‍රී ලාංකේය වෙළෙඳපොළට හඳුන්වා දෙන ලදි. විවිධ විශේෂාංගයන් සඳහා AI තාක්ෂණය යොදා ගැනීමේ හැකියාව ඇති මෙම නවතම Galaxy S25 නිෂ්පාදන පෙළ සන්නිවේදනයේ විශිෂ්ටත්වය නව මානයකට ගෙන යනු ඇත්තේ පරිශීලකයන් වෙත මෙතෙක් අත්නොවිඳි අත්දැකීමක් උරුම කර දෙමිනි. එසේම Galaxy සඳහාම වන Snapdragon® 8 Elite Mobile Platform For Galaxy තාක්ෂණය සමඟින් අසමසම AI කාර්යසාධනයක්, ඉහළ කැමරා තාක්ෂණයක් මෙන්ම සුවපහසු පරිශීලක අත්දැකීමක් ලබා දෙන මෙම Galaxy S25 නිෂ්පාදන පෙළ මෙරට ස්මාර්ට් ජංගම දුරකතන භාවිතයේ විප්ලවීය වෙනසක් සිදු කරනු ඇත.

මේ සම්බන්ධයෙන් අදහස් දැක්වූ Samsung Sri Lanka හි කළමනාකාර අධ්‍යක්ෂ SangHwa Song මහතා සඳහන් කර සිටියේ “ පරිශීලකයන්ගේ සුවිශේෂී අවශ්‍යතා අපගේ නව්‍යකරණයන් සඳහා සුවිසල් අත්වැලක් වූ බව සඳහන් කළ හැකියි. ඒ නිසා අපි Galaxy AI වැඩිදියුණුවට ලක් කරමින් සෑම කෙනකුටම පහසුවෙන් හැසිරවිය හැකි තමන්ගේ පෞද්ගලිකත්වය සුරක්ෂිත කරන නවතම නිෂ්පාදන පෙළ හඳුන්වාදීමට කටයුතු කළා. AI-integrated OS තාක්ෂණයෙන් සැදුම්ලත් නවතම Galaxy S25 නිෂ්පාදන පෙළ එදිනෙදා ජීවිතයේ තාක්ෂණය උපයෝගී කර ගන්නා ආකාරයේ සුවිසල් වෙනසකට හේතු වනු ඇති බව නිසැකයි” යනුවෙනි.

වෙළෙඳපොළේ ඇති සියලුම Galaxy S25 ජංගම දුරකතන හා උපාංග විදුලි සංදේශ නියාමන කොමිසමේ ලියාපදිංචි නිෂ්පාදන වන බැවින් පරිශීලකයන් හට කිසිඳු බාධාවකින් හා සැකයකින් තොරව අඛණ්ඩව භාවිත කිරීමේ හැකියාව උදා කර දී ඇත. පරිශීලකයින්ගේ අවශ්‍යතාවන්ට ගැළපෙන ආකාරයෙන් වෙනස් කළ හැකි AI agents සමන්විත මෙම නිෂ්පාදන පෙළ නිරන්තරයෙන් පරිශීලකයාගේ පෞද්ගලිකත්වය ආරක්ෂා කිරීම කෙරෙහි අවධානය යොමු කරමින් ඊට ගැළපෙන තාක්ෂණික සේවාවක් සලසා දෙනු ලබයි. Google සමඟ එක් වෙමින් AI මූලික කරගත් ආකාරයෙන් නැවත සකස් කර ඇති Android මෙහෙයුම් පද්ධතිය පරිශීලකයා වෙත බහු මාධ්‍ය හැකියාවන් උදා කර දෙනු ඇත්තේ ස්වභාවික ආකාරයෙන් අකුරු, කතන, රූප හා වීඩියෝ සන්නිවේදනය සඳහා අවස්ථාව සළසා දෙමිනි.

මෙහි ඇති Circle to Search විශේෂාංගය මඟින් දුරකතන අංක, ඊ මේල් සහ URL සැණෙකින් හඳුනාගනිමින් ඊට අවශ්‍ය පියවර ගැනීමට පරිශීලකයාට හැකි වේ. Context-Aware Assistance විශේෂාංගය GIF හුවමාරු කර ගැනීම හෝ විවිධ අවස්ථාවන්ට අදාල විස්තර ගබඩා කර තැබීම වැනි ක්‍රියාකාරකම් සඳහා යෙදුම් අතර පහසුවෙන් මාරු වීමේ අවස්ථාව සලසා දෙයි.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT