Dearo Investment පෞද්ගලික සමාගම People`s Excellency 2024 සම්මාන උළෙලේදී වසරේ සේවා ස්ථාන සංවර්ධන විශිෂ්ටතා සම්මානය, විශිෂ්ටම පාරිභෝගික සේවා සපයන්නාට හිමි සම්මානය, විශිෂ්ටම සමූහ මූල්‍ය සමාගමට හිමි සම්මානය සහ විශිෂ්ටම ව්‍යවසාය මූල්‍ය සමාගමට හිමි සම්මානය යන සම්මාන හතරෙන් පිදුම් ලැබීය. නවීන තාක්ෂණය සහ ඩිජිටල්කරණය සමඟ
ඉදිරියට යන Dearo Investment සමාගම පාරිභෝගිකයන්ගේ අවශ්‍යතාවලට ගැළපෙන ලෙස සැකසූ පෞද්ගලික සහ ව්‍යාපාර මූල්‍ය සේවා, ණය, ආයෝජන වැනි සේවා රැසක් සපයයි. සුළු හා මධ්‍ය පරිමාණ ව්‍යාපාර, හවුල් ව්‍යාපාර සහ ආරම්භක අවස්ථාවේ පවතින ව්‍යාපාර සඳහා අවශ්‍ය මූල්‍ය පහසුකම් සැපයීම, දැනට පවතින ව්‍යාපාරවල ප්‍රාග්ධනය ඉහළ නැංවීම සඳහා අවශ්‍ය ව්‍යවසායක ණය සැපයීම එම සමාගමේ ප්‍රධාන සේවා අතර වේ.
පාරිභෝගිකයන්ට නව්‍ය සහ කාර්යක්ෂම මූල්‍ය විසඳුම් සැපයීමට මුල් තැන දෙන කාර්ය මණ්ඩලයක් හරහා සේවා සපයන එම සමාගම සතු ශාඛා ගණන 30කට අධික වේ. ආරම්භයේ පටන් ක්ෂුද්‍ර, සුළු සහ මධ්‍ය පරිමාණ ව්‍යවසාය සංවර්ධනය කිරීමට ප්‍රමුඛතාව දෙන Dearo Investment සමාගම මූල්‍ය, ව්‍යාපාර සහ නීති, ආහාරපාන, සංචාරක, අධ්‍යාපන, තොරතුරු තාක්ෂණ, රථවාහන, කෘෂිකාර්මික, වැවිලි වැනි ක්ෂේත්‍ර රැසක් පුරා විහිදී යන ලෙස සිය ව්‍යාපාර පුළුල් කර ඇත. Dearo Investment ප්‍රධාන විධායක නිලධාරි/ කළමනාකරණ අධ්‍යක්ෂ ප්‍රසන්න සංජීව මහතා යටතේ එම සමාගම ක්ෂේත්‍රයේ ඉදිරියටම පැමිණ තිබේ. බැංකුකරණ සහ මූල්‍ය ක්ෂේත්‍රයේ වසර 15කට වැඩි අත්දැකීම් සහිත වෘත්තිකයෙකු වන ඔහු පේරාදෙණිය විශ්වවිද්‍යාලයෙන් අලෙවිකරණය පිළිබඳ ප්‍රථම සහ ශාස්ත්‍රපති උපාධි ලබා ඇත. එසේම ඔහු ණය කළමනාකරණය, බැංකුකරණය සහ මූල්‍ය පිළිබඳ ඩිප්ලෝමාධාරියෙක් ද වේ. ප්‍රභාෂ් ගුණරත්න, උපුල් එදිරිසූරිය, තරිඳු ධනංජය සමරවික්‍රම, නෙරංජන් වර්ණසූරිය සහ මානව සම්පත් හා පරිපාලන විධායක අධ්‍යක්ෂ තිලිණි කල්හාරි ඒකනායක යන අනෙකුත් අධ්‍යක්ෂ මණ්ඩල සාමාජිකයෝ සමාගමේ අභිවෘද්ධිය උදෙසා ඔහුට සහාය වෙති.
