29
මුත්තු නගර් ප්‍රදේශයේ ළිඳකට වැටී මියගොස් සිටි කාන්තාවගේ මළ සිරුරක් පෙරේදා (18) සොයාගත් බව චීන වරාය පොලීසිය පවසයි.
මෙසේ මියගොස් ඇත්තේ චීන වරාය, මුත්තු නගර් පදිංචි අරුණාචලම් ඥාන සුන්දරී (48) නමැති කාන්තාවකි. මෙම කාන්තාව වැටී සිටි ළිඳ අනාරක්ෂිත ළිඳක් වන අතර චීන වරාය පොලිස් ස්ථානාධිපති ප්‍රධාන පොලිස් පරීක්ෂක රොෂාන් චමින්ද හෙට්ටිආරච්චි මහතාගේ ප්‍රධානත්වයෙන් වැඩිදුර පරීක්ෂණ පැවැත්වේ.
මෙය සියදිවි නසා ගැනීමක් ද ඝාතනයක් ද නැත්නම් අනතුරකින් සිදු වූවක් ද යන්න සොයා ගැනීම සඳහා පශ්චාත් මරණ පරීක්ෂණයට මළ සිරුර ත්රිකුණාමලය මහ රෝහලට යොමු කර තිබේ. චීන වරාය පොලීසිය වැඩිදුර පරීක්ෂණ පවත්වයි.
