තෘතීයික හා වෘත්තීය අධ්‍යාපන කොමිෂන් සභාව පිහිටුවා වසර 32ක් ගත වුවද එම ආයතනය පිහිටුවීමේ මූලික අරමුණුවලින් එකක් වූ ජාතික වෘත්තීය අධ්‍යාපන සංවර්ධන සැලැස්ම සකස් කර ගැසට් පත්‍රයක් ලෙස ප්‍රකාශයට පත්කිරීමට 2023 වර්ෂය වන විටත් අපොහොසත් වී ඇතැයි ජාතික විගණන කාර්යාලය නිකුත් කළ වාර්තාවක දැක්වෙයි.
1990 අංක 20 දරන තෘතීයික හා වෘත්තීය අධ්‍යාපන කොමිෂන් සභා පනතේ 2 පරිච්ඡේදයෙහි 11 වන වගන්තිය ප්‍රකාරව කොමිෂන් සභාව පිහිටුවා 2023 වර්ෂය වන විට වසර 32ක් ගතව ඇත. එහෙත් මෙම ආයතනය ස්ථාපනය කිරීමේ මූලික අරමුණුවලින් එකක් වූ ජාතික වෘත්තීය අධ්‍යාපන සංවර්ධන සැලැස්ම සකස් කර ගැසට් පත්‍රයක් ලෙස ප්‍රකාශයට පත් කිරීමේ කාර්යය 2023 වර්ෂය අවසන් වන විටත් ඉටුකර ගැනීමට කොමිෂන් සභාව අපොහොසත් වී තිබේ.
මෙම සංවර්ධන සැලැස්ම සකස් කරමින් පවතින බව කළමනාකාරීත්වය සඳහන් කර ඇති අතර ආයතනය බිහිකිරීමේ මූලික අරමුණ ඉටුකර ගැනීමට ප්‍රමුඛතාව ලබා දිය යුතු බව විගණනය නිර්දේශ කර තිබේ.
