පසුගිය පෙබරවාරි 08වැනිදා ටී – 56 ගිනි අවියක් රැගෙන පළා ගිය ගල්කිස්ස මූලස්ථාන පොලිස් ස්ථානයට අනුයුක්තව සේවය කළ කොස්තාපල්වරයාගේ එම ගිනිඅවිය සොයාගෙන ඇතැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි කේ.බී.මනතුංග මහතා පැවසීය.
මෙම ගිනි අවිය පිළිබද විමර්ෂන ගල්කිස්ස කොට්ඨාස භාර ජ්‍යෙෂ්ඨ පොලිස් අධිකාරී ප්‍රසන්න බ්‍රහ්මණගේ මහතාගේ උපදෙස් මත සිදු කෙරුණි.
මෙම සිද්ධිය සම්බන්ධයෙන් විමර්ශන කණ්ඩායම් 04ක් විසින් පරීක්ෂණ සිදු කෙරේ.
ඒ අනුව අද(17) ලැබුණු තොරතුරක් මත බඩෝවිට ප්‍රදේශයේ ඉඩමක වළ දමා තිබියදී මෙම ගිනි අවිය සහ ඒ සදහා යොදා ගන්නා උණ්ඩ 30ක් සමඟ එක් සැකකාර තැතැත්තෙක් අත්අඩංගුවට ගෙන තිබේ. මෙම අත්අඩංගුවට ගත් සැකකරු හෙට දින අධිකරණයට ඉදිරිපත් කර රඳවා තබා ගැනීමේ නියෝග මත වැඩිදුර ප්‍රශ්ණ කිරීමට නියමිත බව පොලිස් මාධ්‍ය ප්‍රකාශකවරයා සදහන් කළේය.
අත්අඩංගුවට ගත් සැකකරු වයස අවුරුදු 41ක් වූ ගල්කිස්ස ප්‍රදේශයේ පදිංචි කරුවෙකි.
සැකකාර පොලිස් කොස්තාපල්වරයා ඩුබායි රාජ්‍යට පළාගොස් ඇති බව අනාවරණය වී තිබේ.
ඒ අනූව මෙම ගිනි අවිය පාතාලයට ලබාදෙන්නට ඇති බවට සැකයක් පැවතුණි.
