දකුණු කොරියානු නිළි Kim Sae-ron සෝල් හි සියොංඩොං-ගු හි ඇගේ නිවසේදී මියගොස් සිටියදී සොයා ගත් බව පොලිසිය පැවසීය.
මිය යන විට කිම්ගේ වයස අවුරුදු 24 කි.
කිම්ගේ මිතුරිය ඇගේ මළ සිරුර ඇගේ නිවසේ තිබී සොයාගෙන ඉරිදා සවස 4:50 ට පමණ පොලිසියට දැනුම් දී ඇත.
ඇගේ මරණයට හේතුව පොලිසිය විමර්ශනය කරමින් සිටින නමුත් ඒ වන විටත් ඔවුන් සැකසහිත සලකුණක් සොයාගෙන නොමැති බව පැවසීය.
2000 දී උපත ලැබූ කිම් 2009 වසරේ දී දී නිළියක් ලෙස රංගනයට පිවිසියාය. 2010 දී “ද මෑන් ෆ්‍රොම් නෝවර්” නම් ක්‍රියාදාම චිත්‍රපටයේ සහ 2012 දී “ද නෙයිබර්” නම් ත්‍රාසජනක චිත්‍රපටයේ පෙනී සිටීමත් සමඟ ඇය ප්‍රසිද්ධියට පත් වූවාය. 2023 දී නිකුත් කරන ලද “Bloodhounds” ඇගේ අවසන් කෘතිය විය.
2022 මැයි මාසයේදී බීමතින් රිය පැදවීමේ සිද්ධියකින් පසු ඇය ඇගේ රංගන ජීවිතය ස්ථිර ලෙස නතර කළාය. 2023 අප්‍රේල් මාසයේදී අධිකරණයක් ඇයට වොන් මිලියන 20 ක (ඩොලර් 13,850) දඩයක් නියම කළේය.
