විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා පෙබරවාරි 16-17 දිනවල ඕමානයේ මස්කට් හි පැවැත්වෙන 08 වැනි ඉන්දීය සාගර සමුළුවට (IOC) සහභාගී වේ.
ඉන්දියන් සාගර සමුළුව යනු ඉන්දියානු සාගර කලාපයේ රටවල් සඳහා ප්‍රමුඛ උපදේශන සංසදයක් වන අතර එය ඉන්දියානු පදනම සමඟ එක්ව ඉන්දීය විදේශ කටයුතු අමාත්‍යාංශය විසින් වාර්ෂිකව සංවිධාන කරනු ලැබේ.
ඕමානයේ විදේශ කටයුතු අමාත්‍යාංශය සමඟ එක්ව සංවිධාන කරන මෙම සමුළුවේ දී “සමුද්‍රික හවුල්කාරිත්වයේ නව ක්ෂිතිජයට ගමන්” යන තේමාව කෙරෙහි අවධානය යොමු කරනු ඇත.
අමාත්‍ය විජිත හේරත් මහතා පෙබරවාරි 16වැනිදා සමුළුවේ පළමු පූර්ණ සැසිය ඇමතීමට නියමිතය.
ඉන්දීය සාගර කලාපය පුරා රටවල් 60ක් සහ ජාත්‍යන්තර සංවිධාන නියෝජනය කරමින් අමාත්‍යවරුන් සහ නිලධාරීන් මෙම සමුළුවට සහභාගී වනු ඇතැයි සදහන් වේ.
සමුළුවේදී අමාත්‍යවරයා ප්‍රධාන කලාපීය සමුද්‍රීය ගැටළු පිළිබඳව සෙසු පිරිස සමඟ සාකච්ඡා කරනු ඇති අතර ආර්ථික සහයෝගීතාව ඇතුළු ද්විපාර්ශ්වික සබඳතා වැඩිදියුණු කිරීමට ද උත්සාහ කරනු ඇතැයි ශ්‍රී ලංකා විදේශ කටයුතු, විදේශ රැකියා සහ සංචාරක අමාත්‍යාංශය නිවේදනය කරයි.
2017 වසරේ කොළඹදී දෙවැනි ඉන්දීය සාගර සමුළුව ශ්‍රී ලංකාව විසින් පවත්වන ලදී.
