105
බදුල්ල – පස්සර ප්‍රධාන මාර්ගයේ 4 කණුව ප්‍රදේශයේදී ඊයේ (12) මෝටර් රථයක් මාර්ගයෙන් ඉවතට පැන අඩි 250ක පමණ ප්‍රපාතයකට පෙරළී යෑමෙන් තිදෙනකු තුවාල ලබා බදුල්ල ශික්ෂණ රෝහලට ඇතුළත් කළ බව බදුල්ල පොලීසිය පැවසීය.
මෙසේ තුවාල ලබා ඇත්තේ බදුල්ල, ඉඹුල්ගොඩ ප්‍රදේශයේ පදිංචි එකම පවුලක අයියා, නංගී සහ මස්සිනා බව අනාවරණය වී ඇත. මොවුන් බදුල්ල සිට බුත්තල බලා මෝටර් රථයෙන් ගමන් කරමින් සිටියදී මෙසේ බදුල්ල – පස්සර ප්‍රධාන මාර්ගයේ 4 කණුව ප්‍රදේශයේදී මෝටර් රථය මාර්ගයෙන් ඉවතට පැන ප්‍රපාතයට පෙරළී ගොස් ඇතැයි පොලීසිය සඳහන් කළේය. තුවාලකරුවන්ගේ තත්ත්වය බරපතළ නොවන බව රෝහල් ආරංචි මාර්ග සඳහන් කළේය. අනතුරින් මෝටර් රථයට දැඩි ලෙස අලාභහානි සිදුව තිබේ.
සොරණාතොට සමූහ – සී. ගමගේ
