Home » අඩුපාඩුකම්වලින් හෙම්බත් වුණු කච්චිගල ශ්‍රී සෝපාක දහම් පාසල් දරුවෝ සිසු නායක ලාංඡන පලඳිති

අඩුපාඩුකම්වලින් හෙම්බත් වුණු කච්චිගල ශ්‍රී සෝපාක දහම් පාසල් දරුවෝ සිසු නායක ලාංඡන පලඳිති

by sachintha
February 13, 2025 1:21 am 0 comment

ඇඹිලිපිටිය ශාසනාරක්ෂක බලමණ්ඩලයට අයත් කච්චිගල ශ්‍රී සෝපාක දහම් පාසලේ ශිෂ්‍ය නායක නායිකා නිල ලාංඡන පැලඳවීම ඉකුත් 9 වැනිදා

උත්සවාකාරයෙන් පැවැත්විණ.

එම දහම් පාසලේ සිසු දරු දැරියන් 152ක් පමණ ඉගෙනුම ලබන අතර, ගුරු මඩුල්ල 16 දෙනෙකි. මෙම දහම් පාසල ආරම්භ කර ඇත්තේ 1975 වසරේ කච්චිගල කනිටු විදුහලේ ආචාර්යවරයකු වූ පී.ඩී. ආරියරත්න මහතා විසිනි. එම විද්‍යාලයේ පවත්වාගෙන ගිය ශ්‍රී සෝපාක දහම් පාසල 1996 වසරේ බෞද්ධ කටයුතු දෙපාර්තමේන්තුවේ ලියාපදිංචි කර ඇත. කලක් අක්‍රිය තත්ත්වයේ පැවති මෙම දහම් පාසල මේ වන විට දහසක් අඩුපාඩුකම් මැද කච්චිගල ශ්‍රී රන්බෝධි විහාරස්ථානයේ පවත්වාගෙන යන අතර, එහි වත්මන් විහාරාධිපති වශයෙන් කටයුතු කරන්නේ, ඌරල වජිරබුද්ධි හිමිපාණෝය.

එම දහම් පාසල හා විහාරස්ථානය සම්බන්ධයෙන් උන්වහන්සේ මෙසේ පැවසූහ.

Òකච්චිගල කියන්නේ නොදියුණු අඩු ආදායම්ලාභීන් සිටින දුෂ්කර ප්‍රදේශයක්. මේ ජනතාවට ආගමික කටයුතු කර ගන්න තියෙන එකම විහාරස්ථානය රන්බෝධි විහාරයයි. මෙහි පළමු විහාරාධිපති මාදම්පේ කුසලඥාන හිමියන්ගේ අපවත්වීමෙන් පසු මට විහාරාධිපතීත්වය භාර ගන්න වුණා. මේ පන්සලේ කිසිදු පහසුකමක් නෑ. දියුණු කර ගන්න ගමේ අයට අමාරුයි. නැතිබැරි අය නිසා ඒ අයගේ දූ දරුවන්ට දහම් අධ්‍යාපනය දෙන්න ශ්‍රී සෝපාක දහම් පාසල අපේ ආරාමයේ දැන් පවත්වාගෙන යනවා. ඩෙස්, පුටු, බංකු, ශාලා කිසිදු පහසුකමක් නෑ. බෝගහ යට තමයි පන්ති පවත්වන්නේ. වැසි දිනට පන්ති පවත්වන්න බෑ. සෑහෙන දක්ෂතා ඇති ඉගෙනීමට අසා ඇති ගැමි දරුවන් විශාල පිරිසක් මෙහි අධ්‍යාපනය ලබනවා. හරියටම අවුරුදු 50ක් වෙනවා මේ දහම් පාසලට. පළමුවරට තමයි මේ ශිෂ්‍ය නායක නායිකා නිල ලාංඡන පැලඳවීමේ උත්සවය කරන්නේ. නමුත් භෞතික සම්පත් කිසිවක් මේ දරුවන්ට නැහැ. ශ්‍රී සෝපාක දහම් පාසල ගැන සොයා බලා විහාරස්ථානය හා දහම් පාසල පවත්වාගෙන යන්න දරුවන් වෙනුවෙන් හා අසරණ ගැමි ජනතාව වෙනුවෙන් රජයේ හෝ දානපති පින්වතුන්ගේ ආධාර උපකාර ලබා දෙනවා නම් එය මහඟු පින්කමක් ලෙස සලකනවා.Ó

ඇඹිලිපිටිය විශේෂ – සේන වී. ගමගේ

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT