44
යාපනය, ඩෙල්ෆ්ට් මුහුදු කලාපයට නීති විරෝධී ලෙස පැමිණි ඉන්දීය ධීවරයන් 14 දෙනෙකු හා ඔවුන් පැමිණි යාත්‍රා දෙකක් නාවික හමුදාව විසින් ඊයේ (09) අලුයම අත්අඩංගුවට ගනු ලැබීය.
අත්අඩංගුවට ගන්නාවිට එම ධීවරයන් විසින් මත්ස්‍ය කිලෝ 1200ක් පමණ අල්ලාගෙන සිටි බව නාවික හමුදාව ප්‍රකාශ කරයි.
එම මසුන් තොගය මුහුදට දමා විනාශ කළ නාවික හමුදාව, ධීවරයන් පිරිස හා යාත්‍රා දෙක කන්කසන්තුරේ වරාය වෙත රැගෙනවිත් තිබේ.
නව නීති රීතිවලට අනුව ධීවර යාත්‍රා දෙක නාවික හමුදාව භාරයේ තබා ගෙන ධීවරයින් 14 දෙනා යාපනය සහකාර ධීවර අධ්‍යක්ෂ කාර්යාලයේ නිලධාරීන් වෙත භාර දී තිබේ.
ධීවර නිලධාරීන් මේ ධීවරයන්ගෙන් ප්‍රශ්න කොට ඔවුන්ව මල්ලාකම් අධිකරණය වෙත ඉදිරිපත් කිරීමට නියමිතව තිබුණි.
උතුරු පළාත් විශේෂ – රසුල දිල්හාර ගමගේ
