183
ශ්‍රී ලංකාවේ ස්විට්සර්ලන්ත තානාපති ගරු ආචාර්ය සිරි වෝල්ට් මහත්මිය පසුගිය ජනවාරි 31 වැනි දින පාර්ලිමේන්තු පරිශ්‍රයේදී කථානායක වෛද්‍ය ජගත් වික්‍රමරත්න මහතා හමුවිය.
විවිධ අංශවලින් ස්විට්සර්ලන්තය ශ්‍රී ලංකාවට ලබා දුන් සහයෝගය පිළිබඳව මෙහිදී කථානායකවරයා සිය කෘතඥතාව පළ කළේය.
ආර්ථික සංවර්ධනය, දූෂණ විරෝධී පියවරයන්, සංහිඳියාව සහ පාර්ලිමේන්තු සහයෝගීතාව වැඩි දියුණු කිරීම ඇතුළු ද්විපාර්ශ්වික සබඳතා පිළිබඳව මෙහිදී අවධානය යොමු විය.
ස්විට්සර්ලන්ත තානාපතිනිය විසින් දෙරට අතර අඛණ්ඩ සහයෝගීතාවයේ වැදගත්කම අවධාරණය කළ අතර ඉදිරි කාලය තුළදී ද ශ්‍රී ලංකාවට තවදුරටත් සහාය දැක්වීමට ස්විට්සර්ලන්තය අපේක්ෂා කරන බව අවධාරණය ක‍ළාය.
