බිත්තර සමාජයේ සුලභව කතාබහට ලක්වන මාතෘකාවකි. අසාමාන්‍ය ලෙස මිල ඉහළ යන විට කතාබහට ලක්වූවත් මිල පහළ යන විට බිත්තර ගැන සමාජයම නිහඬය.
මෙවත් තත්ත්වයක් හමුවේ බණ්ඩාරගම නගරයේ ව්‍යාපාරිකයකු වන පින්සිරි ෆොන්සේකා මහතා බිත්තර අලෙවි කර ගැනීමට අපූරු උපක්‍රමයක් භාවිත කරන්නේ ඔහුගෙන් මිලදී ගන්නා බිත්තරයට සෑම මසකම බිත්තරවලින්ම ත්‍යාගයක් ලබා දීමට කටයුතු සලසමිනි.
ඒ බව ඔහුගේ වෙළෙඳසල ඉදිරිපිට මිල ප්‍රදර්ශනය පුවරුවේ මෙසේ සඳහන් කර තිබිණි.
Òඔබ ලබා ගන්නා බිත්තරවලට දිනුම් ඇදීමකින්, වාසනාවන්තයන් දෙදෙනකුට බිත්තර 50ක් හා 25ක් සෑම මසකම 30 වැනි දින සවස පහට කුසපත් ඇදීමෙන් දිනුම් අදිනු ලැබේ. ජයග්‍රාහකයාව දුරකතනය මඟින් දැනුම්දීමට කටයුතු කරනු ඇත” යනුවෙනි. ඔහු බිත්තර මිලදී ගැනීමට පැමිණෙන පාරිභෝගිකයන්ගේ දුරකතන අංකය කුඩා කොළ කැබැල්ලක සටහන් කර බෝතලයක බහා තැබීමට කටයුතු කරන අයුරුදු දක්නට ලැබිණි. මේ හේතුවෙන් ඔහුගේ වෙළෙඳසලට බිත්තර මිලදී ගැනීමට පාරිභෝගිකයන් විශාල වශයෙන් පැමිණෙන අයුරු දකින්නට හැකිය.
බණ්ඩාරගම – බිමල් ජයසිංහ
