ටොයොටා ලෑන්ඩ් කෲෂර් වර්ගයේ ජීප් රථයක් නීති විරෝධීව මෙරටට ආනයනය කර මෝටර් රථ දෙපාර්තමේන්තුවේ අනීතික ලෙස ලියාපදිංචි කළ බව කියන වාහන අලෙවිසල් හිමිකරුවෙක් බව කියන ව්‍යාපාරිකයකු මොරන්තුඩුව ප්‍රදේශයේදී අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිෂන් සභාව කියයි.
ශ්‍රී ලංකා රේගුවේ නිෂ්කාශනය නොවී මෝටර් රථ ප්‍රවාහන දෙපාර්තමේන්තුවේ ලියාපදිංචි කළ වාහන සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව විසින් සිදු කරගෙන යනු ලබන විමර්ශන කටයුතුවලට අදාළව මෙම ජිප් රථය පොලිස් භාරයට ගෙන ඇත.
එකී ජීප් රථය නීති විරෝධී ලෙස මෙරටට ආනයනය කර මෝටර් රථ ප්‍රවාහන දෙපාර්තමේන්තුවේ අනීතික ලෙස ලියාපදිංචි කිරීම තුළින් දූෂණය යන වරදට ආධාර අනුබල ලබාදීමේ චෝදනාව යටතේ මොරන්තුඩුව ප්‍රදේශයේ පදිංචි වාහන වෙ‍ෙළඳාම් කිරීමේ ව්‍යාපාරිකයා ඉකුත් 3 වැනිදින අත්අඩංගුවට ගෙන පාණදුර මහේස්ත්‍රාත් අධිකරණය වෙත ඉදිරිපත් කිරීමෙන් අනතුරුව හෙට (7) දින දක්වා රක්ෂිත බන්ධනාගාරගත කර ඇත.
බණ්ඩාරගම- බිමල් ජයසිංහ
