Saturday, April 5, 2025
Home » වාලම්පුරි 10ක් විකුණන්න යමින් සිටි අයෙක් මාට්ටු

වාලම්පුරි 10ක් විකුණන්න යමින් සිටි අයෙක් මාට්ටු

by sachintha
February 4, 2025 1:03 am 0 comment

රුපියල් ලක්ෂ දහයකට අධික වටිනාකමකින් යුතු වාලම්පුරි 10ක් සිය මෝටර් රථයෙහි සඟවාගෙන අලෙවි කිරීම සඳහා රැගෙන යමින් සිටි පුද්ගලයකු ඊයේ (3) ගණේමුල්ල පොලීසියේ නිලධාරින් පිරිසක් විසින් අත්අඩංගුවට ගනු ලැබිණ.

මෙම පුද්ගලයා හෝමාගම ප්‍රදේශයේ පදිංචි 40 හැවිරිදි පුද්ගලයෙකි. ඔහු ඊයේ (3) දහවල් 12.30ට පමණ ගණේමුල්ල නගරය පසු කරගෙන යමින් සිටියදී මෙම අත්අඩංගුවට ගැනීම සිදු කර තිබුණි. එහිදී තමන් වෙත මෙම වාලම්පුරි රැගෙන ගොස් අලෙවි කර දෙන ලෙස තමන් නොහඳුනන පුද්ගලයකු විසින් කරන ලද ඉල්ලීමක් මත තමන් ඒවා අලෙවි කිරීම සඳහා රැගෙන ගිය බව අත්අඩංගුවට ගත් පුද්ගලයා මේ පිළිබඳ සිදුකළ මූලික විමර්ශනවලදී අනාවරණය කර තිබේ.

අත්අඩංගුවට ගත් පුද්ගලයා සහ මෝටර් රථය අද (4) දින ගම්පහ මහේස්ත්‍රාත් අධිකරණය වෙත ඉදිරිපත් කිරීමට නියමිතය.

කටුනායක ටී.කේ.ජී. කපිල

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT