104
කොංගෝ ප්‍රජාතන්ත්‍රවාදී ජනරජයේ හමුදාව සහ එම්23 නමින් හඳුන්වනු ලබන එරට කැරලිකාර සන්නද්ධ කණ්ඩායම අතර පවතින ගැටුම්වලින් දින 5ක් ඇතුළත පුද්ගලයන් 773 දෙනකු ඝාතනයට ලක් වී ඇතැයි විදෙස් මාධ්‍ය වාර්තා කරයි.
තවත් පුද්ගලයන් තුන්දහසකට ආසන්න සංඛ්‍යාවක් තුවාල ලබා ඇතැයි ද වාර්තා වේ. මීට දින කිහිපයකට පෙර කොංගෝ ජනරජයේ විශාලතම නගරය වන ගෝමා නුවර අත්පත් කරගත් කැරලිකරුවන් මේ වන විට සිය ආධිපත්‍යය ව්‍යාප්ත කරමින් රජයේ හමුදාවට දරුණු ප්‍රහාර එල්ල කරන බවද වාර්තා වේ.
රුවන්ඩාවේ සහාය ලබන බව කියන එම්23 කැරලිකාර කණ්ඩායමේ ප්‍රහාර හමුවේ ගෝමා නගරයෙන් පලා ගිය ජනතාව නැවත නගරයට පැමිණෙමින් සිටින බවත්, ඔවුන්ට ජලය හා විදුලි බලය ඇතුළු මූලික අවශ්‍යතාවන් ලබා දෙන බවට කැරලිකාර කණ්ඩායම පොරොන්දු වී ඇති බවත් විදෙස් මාධ්‍ය සඳහන් කරයි.
