85
උතුරු සිරියාවේ කාර් බෝම්බයක් පිපිරීමෙන් පුද්ගලයන් 15 දෙනකු ජීවිතක්ෂයට පත්වී ඇතැයි විදෙස් මාධ්‍ය වාර්තා කරයි. මියගිය අයගෙන් 14 දෙනකුම කාන්තාවන් වන බව විදෙස් මාධ්‍ය වැඩිදුරටත් වාර්තා කරයි.
පිපිරීමට ලක්වී ඇත්තේ ගොවිපොළක සේවිකාවන් රැගෙන ගිය ඩබල් කැබ් රථයක් වන අතර, එහි සිටි තවත් කාන්තාවන් 15 දෙනකු තුවාල ලබා රෝහල්ගත කර ඇතැයි ද වාර්තා වේ.
ඉන් කිහිපදෙනකුගේ තත්ත්වය බරපතළ බව රෝහල් ආරංචි මාර්ග සඳහන් කර තිබේ. එම කැබ් රථය ධාවනය වූ මාර්ගයේ නවතා තිබූ මෝටර් රථයක එම බෝම්බය අටවා තිබූ බවත්, දුරස්ථ පාලකයකින් බෝම්බය පුපුරුවා හැර ඇති බවත් මූලික පරීක්ෂණයේදී හෙළි වී ඇතැයි වාර්තාවේ.
