කසිප්පු වැටලීමට ගිය පොලිස් නිලධාරීන්ගේ රාජකාරියට බාධා කර එක් කොස්තාපල්වරයකුගේ අත සපා කා තුවාල සිදු කළ බව කියන පුද්ගලයකු බුලත්සිංහල පොලීසිය මඟින් අත්අඩංගුවට ගෙන ඇත.
සැකකරු බුලත්සිංහල, අතුර, තිබ්බොට්ටාව පාරේ පදිංචි 43 හැවිරිදි තැනැත්තෙකි. අත සපාකෑමෙන් තුවාල ලැබූ කොස්තාපල් (92434) පොතුපිටිය මහතා බුලත්සිංහල රෝහලේ අංක 02 වාට්ටුවට ඇතුළත් කර ඇත. බුලත්සිංහල පොලීසියේ උප පොලිස් පරීක්ෂක වීරවංශ, සැරයන් (11411) චන්දන, කොස්තාපල්වරුන් වන පොතුපිටිය (92434) හා තරංග (102191) යන නිලධාරීන් නීති විරෝධී මත්පැන් වන කසිප්පු වැටලීම සඳහා සැකකරුගේ නිවෙසට ගිය අවස්ථාවේදී සැකකරු පොලිස් නිලධාරීන්ගේ රාජකාරියට බාධා කර නිලධාරියකුගේ අත සපා කා ඇතැයි පොලීසිය පවසයි. බුලත්සිංහල පොලිස් ස්ථානාධිපති ප්‍රධාන පොලිස් පරීක්ෂක චන්දන විදානගේ මහතාගේ මෙහෙයවීම යටතේ මේ පිළිබඳව වැඩිදුර පරීක්ෂණ පැවැත්වේ.
