Saturday, April 5, 2025
Home » දිය වළක නෑමට ගිය සිසුහු දෙදෙ­නෙක් ගිලී මරුට

දිය වළක නෑමට ගිය සිසුහු දෙදෙ­නෙක් ගිලී මරුට

by Gayan Abeykoon
January 31, 2025 1:00 am 0 comment

නික­වැ­ර­ටිය - ගයන්දි පමෝධා

වාරි­ය­පොළ, හිඳ­ගොල්ල ප්‍රදේ­ශයේ දිය වළක නෑමට ගිය වයස අවු­රුදු 13ක සහ 16ක පාසල් සිසුන්  දෙදෙ­නකු දියේ ගිලී මර­ණ­යට පත්ව ඇතැයි වාරි­ය­පොළ පොලී­සිය පව­සයි.

මෙසේ මිය­ගොස්  ඇත්තේ  වාරි­ය­පොළ පොලිස් වසමේ හම්මා­ලිය ප්‍රදේ­ශයේ පදිංචි, බණ්ඩා­ර­කො­ස්වත්ත මහා විද්‍යා­ලයේ අට සහ දහය ශ්‍රේණි­වල ඉගෙ­නුම ලැබූ කේ.ඩී. අචල විදු­සර (13) සහ එල්.පුබුදු රශ්මික (16)සිසුන් දෙදෙනා බව ද පොලී­සිය පව­සයි.

සිසුන් දෙදෙ­නාගේ සිරුර පිළි­බඳ හදිසි මරණ පරී­ක්ෂ­ණය වාරි­ය­පොළ හදිසි මරණ පරී­ක්ෂක එල්.එච්. එම්.පේම­පුෂ්ප මහතා සහ කුරු­ණෑ­ගල හදිසි මරණ පරී­ක්ෂක මොහො­මඩ් පර්ෂාන් මහ­ත්ව­රුන් ඉදි­රියේ කුරු­ණෑ­ගල ශික්ෂණ රෝහ­ලේදී  පැවැ­ත්විණි.

මිය­ගිය 13 වියැති සිසුවා ඔහුගේ මව ද, නිවුන් සොයුරා ද, අස­ල්වැසි  16 වියැති  මිතුරා ද  සමඟ  අල්ලපු ගම වන හිඳ­ගොල්ල ගමේ පදිංචි කිරි­අ­ම්මාගේ ඉඩමේ වගා කට­යුතු කිරී­මට පැමිණි අව­ස්ථාවේ යාබද ඉඩමේ පිහිටි විශාල දිය වළක දිය නෑමට යෑමේදී මෙලෙස දෙමි­තු­රන් දියේ ගිලී­මෙන් මර­ණ­යට පත්ව ඇති බව හදිසි මරණ පරී­ක්ෂ­ණ­යේදී අනා­ව­ර­ණය විය.

මිය­ගිය මිතු­රන් දෙදෙනා දිය නෑමට  වළට බසින අව­ස්ථාවේ, 13 වියැති සිසු­වාගේ නිවුන් සොයුරා දිය වළ අසල සිට ඇති අතර තම සොයුරා සහ මිතුරා දියේ ගිලෙනු දැක, කෑගැ­සීම හේතු­වෙන් ඥාතීන් සහ අස­ල්වා­සීන් පැමිණ දරු­වන් දෙදෙනා ගොඩට ගෙන වාරි­ය­පොළ රෝහ­ලට ඇතු­ළත් කර ඇති බව ද මරණ පරී­ක්ෂ­ණ­යේදී අනා­ව­ර­ණය විය.

වාරි­ය­පොළ රෝහ­ලේදී  13 වියැති දරුවා මිය­ගොස්  තිබේ. 16 වියැති  දරුවා  වැඩි­දුර ප්‍රති­කාර සඳහා කුරු­ණෑ­ගල ශික්ෂණ රෝහ­ලට මාරු­කර යැවී­මෙන් පසු මර­ණ­යට පත්ව ඇතැයි  මරණ පරී­ක්ෂ­ණ­යේදී අනා­ව­ර­ණය විය.

හදිසි මරණ පරී­ක්ෂ­ණ­යේදී  මිය­ගිය දරු­වන්ගේ මවු­පි­යන් ද, දරු­වන් දෙදෙනා දිය වළෙන් ගොඩට ගත් අයද   සාක්ෂි දුන්හ.

මිය­ගිය දරු­වන් දෙදෙ­නාගේ සිරුර පිළි­බඳ පශ්චාත් මරණ පරී­ක්ෂ­ණය කළ කුරු­ණෑ­ගල ශික්ෂණ රෝහල් අධි­ක­රණ වෛද්‍ය එන්.ඒ. සී. පී. චමින්ද මහතා විසින් මෙය දියේ ගිලී­මෙන්  සිදු වූ මරණ  බවට සඳ­හන් කළේය.

වාරි­ය­පොළ පොලී­සියේ පොලිස්  සැර­යන් ජය­සු­න්දර (58738) සාක්ෂි මෙහෙ­ය­වීය.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT