කෑගල්ල, අටාල, උඩුගම ශ්‍රී විශුද්ධාරාම විහාරස්ථානයේ සිට ගමන් ආරම්භ කරන සිරිපා වන්දනා පාද චාරිකාව 11 වැනි වරට මෙවරත් විහාරස්ථාන භූමියෙන් ගමන් ආරම්භ කිරීමට නියමිතය. මේ සිරිපා වන්දනා පාද චාරිකාව ලබන මස 09, 10, 11, 12 දිනයන් වෙන් කර ඇති අතර ඊට සහභාගී වීමට කැමැති අය ඇතොත් විහාරස්ථානයට පැමිණෙන ලෙස සංවිධායක මණ්ඩලය ඉල්ලීමක් කරයි. සිරිපා වන්දනා පාද චාරිකාව අප මුතුන් මිත්තන් අනුගමනය කළ පැරණි සිරිත් විරිත්, ඇඳුම් පැලඳුම් හා ආයිත්තම් භාවිත කරමින් ගමනාන්තය දක්වාම තුන්සරණේ කවි කියමින් රාත්‍රී කාලයට පන්දම් එළි රැගෙන බණ මඩුවක හෝ අම්බලමක රාත්‍රිය ගත කරමින් යන සැබෑම ප්‍රතිපත්තිමය බුදු සිරිපා වන්දනා ගමනක් බව සංවිධායක කලාකරු හේමචන්ද්‍ර පියදාස මහතා පවසයි. වැඩි විස්තර 035-22 89 252 දුරකතන අංකයෙන් දැනගත හැකිය.
