Sunday, April 6, 2025
Home » 5 වසර සිසුවාගේ පොත් මල්ලෙන් බීඩි මිටියකුයි ලයිටරයකුයි හමු වෙලා

5 වසර සිසුවාගේ පොත් මල්ලෙන් බීඩි මිටියකුයි ලයිටරයකුයි හමු වෙලා

by Gayan Abeykoon
January 30, 2025 1:00 am 0 comment

බදුල්ල - නිශාන්ත අබේ­ගු­ණ­ව­ර්ධන

පස්සර ප්‍රදේ­ශයේ පිහිටි පාස­ලක 5 වසරේ සිසු­වකු පෙරේදා (28) පාස­ලට පැමිණ සිටි­යදී ඔහුගේ පොත් බෑගය තුළ තිබී බීඩි දුම්වැ­ටි­යක් සහ ලයි­ට­ර­යක් පන්ති­භාර ගුරු­ව­රිය හට හමු­වී­මෙන් පසු බියට පත් සිසුවා පාස­ලෙන් පැන­ගොස් කැලෑ­වක් තුළ සැඟව සිටි­යදී සොයා­ගත් බව පොලී­සිය පව­සයි.

මෙම සිසු­වාගේ බෑගය දහ­වල් එකයි පහ­ළො­වට පමණ ගුරු­ව­රිය විසින් පරීක්ෂා කිරී­මෙන් පසු දුම්වැ­ටිය හා ලයි­ට­රය හමුව ඇති අතර ඉන්පසු ගුරු­ව­රුන් විසින් ඔහුගේ මවට පාස­ලට පැමි­ණෙන ලෙස දන්වා ඇත.

ඉන් බියට පත් සිසුවා පාස­ලින් පැන­ගොස් ඇති අතර ගුරු­ව­රුන් හා ප්‍රදේ­ශයේ අය­ව­ලුන් විසින් ඔහු සොයා හමු නොවීම හේතු­වෙන් සවස 4.00ට පමණ ඒ පිළි­බ­ඳව 119 පොලිස් හදිසි ඇම­තුම් ඒක­ක­යට දන්වා ඇත.

ඉන් අන­තු­රුව පස්සර පොලිස් ස්ථානා­ධි­පති ප්‍ර.පො.ප. පිය­රත්න ඒක­නා­යක මහතා ඇතුළු කණ්ඩා­ය­මක් එම ප්‍රදේ­ශ­යට ගොස් සිදු කළ සෝදි­සි­ය­කදී පාස­ලට ඉහ­ළින් ඇති කැලෑව තුළ සැඟව සිටි දරුවා සවස 5.30ට පමණ ඔවුන්ට හමුවූ බව පොලී­සිය පව­සයි.

මෙම සිද්ධිය මත ඒ වන­වි­ටත් සිසුවා දැඩි කම්ප­න­යට පත්ව සිටි බැවින් පස්සර මූලික රෝහ­ලට ඇතු­ළත් කිරී­මෙන් අන­තු­රුව වාට්ටු අංක 1හි ඔහුගේ මව භාරයේ නේවා­සි­කව ප්‍රති­කාර ලබන බවද පොලී­සිය පව­සයි.

You may also like

Leave a Comment

Sri Lanka’s most Trusted and Innovative media services provider

Facebook

@2025 – All Right Reserved. Designed and Developed by Lakehouse IT